19.01.2026 | 14:18
Ինչ է կողակցի սեփականության իրավունքը, և ամուսիններից մեկի մահից հետո ում կմնա գույքը․ ՏԵՍԱՆՅՈՒԹ
Ռուսական ռազմական ոստիկանությունը հսկողություն է իրականացնում սիրիական Մանբիջում
Քաղաքականություն
08.01.2019 | 12:18
ՌԴ ռազմական ոստիկանությունը պարեկում է Թուրքիայի հետ սահմանամերձ Հալեպ նահանգի Մանբիջ քաղաքի տարածքում: Այս մասին տեղեկացրել է ոստիկանության ներկայացուցիչ Յուսուպ Մամատովը, գրում է ՏԱՍՍ-ը:
«Այսօր մեկնարկեց պարեկային ծառայությունը Մանբիջ բնակավայրի և նրա շրջակայքի անվվտանգության գոտում: Նպատակը պատասխանատվության գոտում անվտանգության ապահովումն է, իրադրության և զինված խմբավորումների տեղաշարժի վերահսկողությունը»,- ասել է Մամատովը:
Նրա խոսքով՝ ռուսաստանցի զինծառայողները տեղի բնակիչներից տեղեկություններ են ստանում զենքի և չպայթած ռազմամթերքի մասին, որոնք մնացել են զինյալների կողմից այդ տարածքների օկուպացիայի ժամանակներից:
Սիրիայից զորքերը դուրս բերելու՝ ԱՄՆ-ի որոշումից հետո քրդական «Ժողովրդական ինքնապաշտպանական ուժերը» դիմել են պաշտոնական Դամասկոսին՝ կոչ անելով վերահսկողություն հաստատել իրենց կողմից նախկինում հսկվող տարածքներում, որոնց թվում է Մանբիջը, և դրանք պաշտպանել թուրքական ներխուժումից:
2018 թվականի դեկտեմբերի վերջին սիրիական զորքերը մտան Մանբիջ: Սիրիայի ՊՆ-ն այս տարվա հունվարի սկզբին հայտարարեց, որ քրդական ուժերի շուրջ 400 ներկայացուցիչներ լքել են քաղաքը՝ ուղղվելով Եփրատի արևելյան ափ, որտեղ մտադիր են կենտրոնանալ «Իսլամական պետություն» ահաբեկչական խմբավորման դեմ պայքարի վրա:
