15.12.2025 | 16:17
Զելենսկին չի բացառել ՆԱՏՕ-ին անդամակցելուց հրաժարվելու հնարավորությունը, եթե Կիևն անվտանգության երաշխիքներ ստանա
Հայտնի է, թե որտեղ են բաժանելու նոր պատգամավորների մանդատները. հանդիսավոր միջոցառում է լինելու
08.01.2019 | 12:02
7-րդ գումարման Ազգային ժողովի պատգամավորների մանդատները հանդիսավոր հանձնվելու են հունվարի 10-ին՝ Ալեքսանդր Սպենդիարյանի անվան օպերայի և բալետի ազգային ակադեմիական թատրոնում: Այս մասին Factor.am-ի հարցին ի պատասխան տեղեկացրեց Կենտրոնական ընտրական հանձնաժողովի մամուլի խոսնակ Հերմինե Հարությունյանը:
Նշենք, որ մանդատների հանձնման արարողությանը հրավիրված է նաև ՀՀ վարչապետի պաշտոնակատար Նիկոլ Փաշինյանը:
Սա առաջին անգամ է, որ պատգամավորների մանդատները հանձնվելու են Ալեքսանդր Սպենդիարյանի անվան օպերայի և բալետի ազգային ակադեմիական թատրոնում:
6-րդ գումարման Ազգային ժողովի պատգամավորների մանդատներն, օրինակ, 2017 թվականին հանձնվեցին կառավարության ընդունելությունների տանը: Այդ շինությունն այս պահին զբաղված է: Այն 2018 թվականի ապրիլից համարվում է ՀՀ նախագահի նստավայրը: Սակայն առաջիկայում նախագահի նստավայրը կրկին դառնալու է Բաղրամյան 26-ը:
7-րդ գումարման Ազգային ժողովի առաջին նիստը տեղի է ունենալու հունվարի 14-ին: Այն վարելու է տարիքով ամենամեծ պատգամավոր Կնյազ Հասանովը: Նա այս ԱԺ-ում «Իմ քայլը» խմբակցությունից է, իսկ 6-րդ գումարման խորհրդարանում՝ ՀՀԿ-ից էր:
Հիշեցնենք, որ 7-րդ գումարման ԱԺ-ում լինելու են «Իմ քայլը» դաշինքը, ԲՀԿ-ն և ԼՀԿ-ն: Այս խորհրդարանն ունենալու 132 պատգամավոր:
Հայկ Վարդանյան
