10.06.2026 | 23:29
Հունիսի 7-ին կայացած ԱԺ ընտրությունները աննախադեպ էին. «Նոր ուժ»-ի հայտարարությունը
Դեսպան Արմեն Պապիկյանն Ավստրիայի արտաքին գերատեսչությունում հանձնել է հավատարմագրերի պատճենը
Քաղաքականություն
07.01.2019 | 19:00
Հունվարի 4-ին Ավստրիայի Հանրապետությունում Հայաստանի Հանրապետության նորանշանակ արտակարգ և լիազոր դեսպան Արմեն Պապիկյանն իր հավատարմագրերի պատճենը հանձնեց Ավստրիայի Հանրապետության Եվրոպայի, ինտեգրման և արտաքին գործերի դաշնային նախարարության արարողակարգային ծառայության ղեկավար Էննո Դրոֆենիկին (Enno Drofenik):
Հավատարմագրերի հանձնման արարողությանը հաջորդած զրույցի ընթացքում Էննո Դրոֆենիկը շնորհավորեց Արմեն Պապիկյանին Ավստրիայում Հայաստանի դեսպանի պաշտոնում նշանակվելու կապակցությամբ` մաղթելով արդյունավետ և բեղմնավոր աշխատանք:
Հանդիպման ընթացքում զրուցակիցները համառոտ մտքեր փոխանակեցին հայ-ավստրիական հարաբերությունների հետագա ընդլայնման ուղղությամբ տարվող աշխատանքների շուրջ՝ կարևորելով նաև համագործակցության զարգացումը երկկողմ և բազմակողմ ձևաչափերում, այդ թվում՝ նաև բարձրաստիճան փոխայցելությունները:
Դեսպան Պապիկյանը վստահություն հայտնեց, որ փոխադարձ հետաքրքրություն ներկայացնող հարցերում երկուստեք առկա ներուժի վերհանումը լավագույն հնարավորությունն է խթանելու երկու բարեկամ երկրների միջև համագործակցությունն ամենատարբեր բնագավառներում։ Այդ համատեքստում դեսպան Պապիկյանը բարձր գնահատեց նաև ավստրիական կառավարության շարունակական աջակցությունը Հայաստանի զարգացման ծրագրերին:
