18.01.2026 | 21:30
Վահագն Խաչատուրյանն այցելել է Ժնևի Սուրբ Հակոբ եկեղեցի
Վերջին տարիներին նախագահները չեն մասնակցում Սուրբ Ծննդյան պատարագին
06.01.2019 | 12:27
Հանրապետության նախագահ Արմեն Սարգսյանը վատառողջության պատճառով ներկա չի գտնվել Սուրբ Ծննդյան և Աստվածահայտնության տոնի առթիվ Երևանի Սուրբ Գրիգոր Լուսավորիչ մայր եկեղեցում մատուցված պատարագին:
Այս մասին տեղեկանում ենք ՀՀ նախագահի աշխատակազմից:
Ավելի վաղ ՀՀ նախագահը շնորհավորել էր՝ ավետիսի խոսքերով դիմելով ժողովրդին. «Քրիստոս ծնաւ և յայտնեցաւ։ Մեզ և Ձեզ մեծ աւետիս։ Օրհնեալ է Յայտնութիւնն Քրիստոսի»:
Ի դեպ, նշենք, որ անցած տարի՝ 2018 թվականի հունվարի 6-ին էլ ՀՀ նախագահ Սերժ Սարգսյանը չէր մասնակցում Սուրբ Ծննդյան և Աստվածհայտնության տոնի առթիվ մատուցված պատարագին: Նախագահականից պաշտոնապես չհստակեցվեց, թե ինչու Սերժ Սարգսյանը չի մասնակցում պատարագին, սակայն տեղեկատվական արտահոսք եղավ, որ նա երկրում չէ:
Նաև գրվեց, որ նա առողջական խնդիրներ ունի: Ուշագրավն այն է, որ Սերժ Սարգսյանն այս միջոցառմանը չէր մասնակցել նաև 2017-ի հունվարի 6-ին: Նախագահականը պաշտոնապես տեղեկացրել էր, որ Սերժ Սարգսյանը գտնվում է կարճաժամկետ արձակուրդում:
