16.01.2025 | 09:53
«Հայաստան-ԵՄ ռազմավարական գործընկերության խթանումը Վիշեգրադյան քառյակի փորձի հիման վրա». ՈՒՂԻՂ
Սպառողների համար գազը չի թանկանա. Նիկոլ Փաշինյան. ՏԵՍԱՆՅՈՒԹ
Տնտեսություն
31.12.2018 | 12:49
«Ուզում եմ երկու բառով ներկայացնել երեկվա իրադարձությունների մասին»,- ֆեյսբուքյան ուղիղ հեռարձակմամբ ասաց ՀՀ վարչապետի պաշտոնակատար Նիկոլ Փաշինյանը:
«Երեկ ես երկու անգամ հեռախոսազրույց եմ ունեցել Ռուսաստանի Դաշնության նախագահ Վլադիմիր Պուտինի հետ, և թեման եղել է Հայաստանին մատակարարվող գազի գինը: Ըստ էության, կարող ենք ասել, որ եկել ենք լուծման՝ առնվազն առաջիկա տեսանելի ապագայի համար: Քննարկումների արդյունքը, որպեսզի կարճ ներկայացնեմ, կասեմ հետևյալը. կա երկու օղակ գազի մատակարարման մեջ՝ մեկը «Գազպրոմ» ռուսական ընկերությունն է և այդ ընկերության կողմից «Գազպրոմ Արմենիա» ընկերությանը մատակարարվող գազը և մյուս օղակը՝ «Գազպրոմ Արմենիա»-ից դեպի մեր սպառողներ գազի մատակարարումը: Ըստ էության, ստացվել է այնպես, որ «Գազպրոմ Արմենիա»-ն և «Գազպրոմ» ընկերությունները պետք է վերանայեն գազի մատակարարման գինը և գնի որոշակի բարձրացում է տեղի ունենալու, բայց մեր ներքին որոշակի կարգավորումների շնորհիվ հայաստանյան սպառողների համար գազի գնի փոփոխություն տեղի չի ունենալու»,- ասաց Փաշինյանը` մանրամասնելով, որ այս լուծման պատճառով պարտքի կուտակում ու նոր ակտիվների փոխանցում Ռուսաստանին չի լինելու:
Մանրամասները տեսանյութում:
