21.01.2026 | 18:32
Մենք մեր Միշիկը չունենք, որ ծրարով փող տա, չենք էլ ուզում․ Փաշինյանը՝ Խամոյանին․ ՏԵՍԱՆՅՈՒԹ
Ցուցարարները գնացել են դատարան՝ պարզելու, թե երբ է քննարկվելու Մանվել Գրիգորյանի խափանման միջոցի հարցը
Հասարակություն
27.12.2018 | 17:26
Վերաքննիչ դատարանը դատախազության բողոքը՝ Մանվել Գրիգորյանին գրավով ազատ արձակելու վերաբերյալ դեռ վարույթ չի ընդունել։ Մանվել Գրիգորյանին ազատ արձակելուց հետո Էջմիածնում տեղի ունեցած ցույցի կազմակերպիչներից Ջիվան Աբրահամյանը Factor.am-ի հետ զրույցում ասաց, որ այսօր իրենք մի քանի հոգով գնացել են Վերաքննիչ քրեական դատարան՝ իմանալու, թե երբ է նիստը տեղի ունենալու․ «Փորձեցինք ճշտել, թե դատավարական պրոցեսն ինչ փուլում է, մեր ճշտումները արեցինք և վերադարձանք։ Մեզ ասացին, որ դեռ Առաջին ատյանի դատարանից նյութերը չեն ստացել, ստանալուց հետո պետք է գործը մակագրեն դատավորին, որից հետո նշանակվի նիստի օրը»։
Նիստը դժվար, թե տեղի ունենա այս տարի, քանի որ վաղը 2018թ․-ի վերջին աշխատանքային օրն է։ Հարցին, թե արդյոք առաջիկայում բողոքի ակցիաներ Մանվել Գրիգորյանին կալանավորելու պահանջով կկազմակերպվե՞ն, թե՞ ոչ, Աբրահամյանը պատասխանեց․ «Այս պահին հստակ որոշում չունենք հաջորդ ակցիայի վերաբերյալ։ Դեռևս քննարկում ենք անելիքները, բայց մինչև Մանվել Գրիգորյանը չկալանավորվի, մենք մեր ակցիաները լիովին չենք դադարեցնի»։
Հիշեցնենք, որ դատավոր Դավիթ Բալայանը դեկտեմբերի 21-ին 25 միլիոն դրամ գրավի դիմաց փոփոխել էր Գրիգորյանի խափանման միջոց կալանավորումը։
