Նորաստեղծ «Ազգային օրակարգ» կուսակցության հիմնադիր անդամ Արա Հակոբյանի խոսքով՝ երկրում ստեղծվել է նոր իրավիճակ, առաջացել է անհրաժեշտություն վերցնել պատասխանատվություն և մասնակցել երկրի ապագայի կառուցմանը, իսկ իրենց քաղաքական ուժը, դիրքավորվելով որպես աջակողմյան ուժ, իր գաղափարախոսությամբ լինելու է ազգային առաջադիմական ուժ։
Այս մասին այսօր հրավիրված մամուլի ասուլիսի ժամանակ ասաց կուսակցության անդամ Արա Հակոբյանը։
Կուսակցության համահիմնադիր՝ Ավետիք Չալաբյանի խոսքով էլ՝ իրենք հանրային գործունեություն սկսել են դեռևս 2006 թվականից, երբ հիմնադրել են ակումբ, որից հետո ծնվել է հայրենադարձությունը խրախուսող «Վերադարձ Հայաստան» հիմնադրամը։
Նորստեղծ կուսակցության հիմնադիրը խոսեց նաևԿառավարության գործունեության մասին՝ առանձնացնելով հատկապես անվտանգային խնդիրները։
«Այս կառավարության գործունեության արդյունքն անվտանգության բնագավառում որոշակիորեն հիասթափեցնող է։ Իրենք կենտրոնացած են եղել ներքին օրակարգի վրա, և անվտանգության մասով թույլ են տվել բացթողումներ: Նախիջևանի զարգացումներն ինչ-որ առումով անուշադրության արդյունք են: Հիմա մեր բանակը սկսել է հակազդման գործողություններ, բայց մեզանից նաև քաղաքական խիզախությունն է պահանջվում»,-ասաց նա։
Անդրադառնալով արտաքին քաղաքականությանը և ՀԱՊԿ զարգացումներին՝ Չալաբյանը նշեց, որ իշխանության կողմից հապճեպությունը բերել է նրան, որ ՀԱՊԿ մեր գործընկերների հետ ստեղծել ենք արհեստական խնդիր, որը կարող էր չլինել:
Մանրամասները՝ տեսանյութում։
