13.03.2026 | 21:30
Ինչպես է բաժանվելու 4 մլրդ դրամից ավելի պարգևավճարը
Հայաստանը տարածաշրջանում ամենավերջին հետաքրքրությունն ունի ԱՄՆ-ի համար. Սուրեն Սարգսյան
Քաղաքականություն
21.12.2018 | 14:51
Հայաստանի և Ռուսաստանի միջև ամենաբարձր մակարդակով շփումները, հանդիպումները և աշխատանքը ստացվում են, իսկ մի փոքր ավելի ներքև արդեն խնդիրներ կան: Արտաքին քաղաքական խնդիրների և հայ-ռուսական հարաբերությունների թեմայով քննարկման ժամանակ նման կարծիք հայտնեց միջազգայնագետ Սուրեն Սարգսյանը:
«Այսինքն՝ հայ-ռուսական հարաբերություններին ոչինչ չի սպառնում, բայց այս ընթացքում մենք ականատես ենք եղել, որ գոնե միջին օղակներում, ինչպես ասում են՝ իշխանության երկրորդ էշելոնում, կան որոշակի խնդիրներ, և այդ խնդիրները շարունակական աշխատանքի և լուծման կարիք ունեն»,- ասաց նա:
Ըստ միջազգայնագետի՝ եթե հայկական կողմն այդ խնդիրների մասին չի խոսում, ռուսական կողմը պարբերաբար բարձրաձայնում է. «Եվ եթե առաջին դեմքերի մոտ կա փոխըմբռնում և վստահություն, ապա մի փոքր ավելի ներքև հայ գործընկերների նկատմամբ շատ դեպքերում վստահության տոտալ բացակայություն կա»:
Ինչ վերաբերում է Հայաստանի ներքին գործերին ԱՄՆ-ի միջամտության մասին ՌԴ ԱԳ փոխնախարար Գրիգորի Կարասինի հայտարարությանը, Սուրեն Սարգսյանը կարծում է, որ Հայաստանում ԱՄՆ-ն ընդհանրապես որևէ ձևով միջամտություն չունի: «Ամերիկյան քաղաքականությունը մեր տարածաշրջանում ընդհանրապես շատ պասիվ է: Եթե առաջնահերթությունների լեզվով խոսենք, երևի մեր տարածաշրջանը հարյուրերորդական նշանակությունն ունի ԱՄՆ-ի համար, իսկ Հայաստանը տարածաշրջանում ամենավերջին հետաքրքրությունն ունի Միացյալ Նահանգների համար»,- համոզմունք հայտնեց Սարգսյանը:
Մանրամասները՝ տեսանյութում:
