29.06.2026 | 11:55
Հովակիմյանին էլ ՔՊ-ի հետ են շփոթում. Վարդևանյանը` իրեն «Հայաստան»-ի ներկայացուցչի հետ շփոթելու մասին․ ՏԵՍԱՆՅՈՒԹ
Նիկոլ Փաշինյանը հաջորդ շաբաթ Մոսկվա կմեկնի. Պուտինի հետ քննարկելու են երկկողմ օրակարգային հարցեր
Քաղաքականություն
20.12.2018 | 16:26
ՌԴ նախագահը հաջորդ շաբաթ կհանդիպի ՀՀ վարչապետի պաշտոնակատար Նիկոլ Փաշինյանի հետ: Այս մասին Վլադիմիր Պուտինը հայտնել է ռուսական և արտասահմանյան լրատվամիջոցների մասնակցությամբ անցկացվող ամենամյա մամուլի ասուլիսի ժամանակ:
Նա նշել է նաև, որ Նիկոլ Փաշինյանն աշխատանքային այցով Ռուսաստան է ժամանելու:
Factor.am-ի հետ զրույցում վարչապետի պաշտոնակատարի խոսնակ Արման Եղոյանը հաստատեց, որ Նիկոլ Փաշինյանը հաջորդ շաբաթ Մոսկվա կմեկնի:
«Նիկոլ Փաշինյանի հանդիպումը Վլադիմիր Պուտինի հետ նախատեսված է եկող շաբաթ։ Մեկօրյա աշխատանքային այցի ընթացքում կքննարկվեն երկու պետությունների հարաբերություններին վերաբերող տարբեր հարցեր»,- ասաց Եղոյանը։
Հարցին՝ արդյո՞ք աշխատանքային այցի ընթացքում կքննարկվի նաև արցախյան հակամարտության կարգավորման հարցը, խոսնակը պատասխանեց. «Այդ մասին տեղեկություն չեմ կարող փոխանցել։ Սովորաբար, նման տեղեկություն տարածում ենք հանդիպման ավարտից հետո, երբ ամփոփում ենք արդյունքները»։
