13.10.2026 | 23:30
«Կազիմիր Պուլասկի» հիմնադրամի նախագահի հետ քննարկվել են փոխգործակցության հարցեր
Ինձ վրա չի եղել քաղաքական ուժի կողմից ճնշում․ Մարկ Գրիգորյան
Քաղաքականություն
20.12.2018 | 16:08
Երբ ես տնօրեն էի, ինձ հաջողվում էր շատ թե քիչ աշխատանքային հարաբերություններ ունենալ բոլոր քաղաքական ուժերի հետ: Ես, կարծում եմ, որ լրագրողը և քաղաքական գործիչները չեն կարող լինել լավագույն հարաբերությունների մեջ, բայց այդ հարաբերությունները կարող են լինել աշխատանքային: Իհարկե, կային խնդիրներ, բայց այդ խնդիրները լրիվ ուրիշ հարթության մեջ էին։
Այս մասին այսօր հրավիրված մամուլի ասուլիսի ժամանակ ասաց Հանրային ռադիոյի նախկին գործադիր տնօրեն Մարկ Գրիգորյանը՝ անդրադառնալով իր աշխատանքային գործունեության ընթացքում քաղաքական ուժերի հետ ունեցած հարաբերություններին։
Խոսելով իր հրաժարականի մասին՝ Գրիգորյանը հերքեց լուրերը, թե այն տեղի է ունեցել քաղաքական ուժերի ճնշման արդյունքում։ «Ինձ վրա չի եղել որևէ ճնշում քաղաքական ուժի կողմից»,- ասաց նա։
Հանրային ռադիոյի նախկին գործադիր տնօրենը, սակայն, հրաժարվեց իր հրաժարականի վերաբերյալ այլ մանրամասներ հայտնել և լրագրողներից ժամանակ խնդրեց։
Հիշեցնենք, որ երեկ իր դիմումի համաձայն Մարկ Գրիգորյանն ազատվել է աշխատանքից։
