13.03.2026 | 19:35
Դատարանի բակից Սամվել Կարապետյանի 3 աջակից է ձերբակալվել
Մոուրինյուն ՄՅՈւ-ից հեռացվելուց հետո առաջին անգամ խոսել է լրագրողների հետ
19.12.2018 | 20:32
«Մանչեսթեր Յունայթեդի» նախկին գլխավոր մարզիչ Ժոզե Մոուրինյուն պաշտոնանկությունից հետո առաջին անգամ շփվել է լրագրողների հետ. գրում է armsport.am-ը:
«Ես կարո՞ղ եմ պարզապես զբոսնել, թե՞ ոչ: Ես չեմ ցանկանում որևէ բան խոսել «Մանչեսթեր Յունայթեդից» հեռանալու մասին: Դուք ինձ լավ եք ճանաչում:
Ավելին չեմ ասի: Եթե ցանկանում եք զբոսնել ինձ հետ, եկեք քայլենք մինչև Բատերսի (թաղամաս՝ Լոնդոնում – խմբ.):
Այդ դեպքում որևէ խնդիր չեմ տեսնում»,- Մոուրինյուի խոսքը մեջբերել է Sky Sports-ը:
Հիշեցնենք, որ Ժոզե Մոուրինյուն «Մանչեսթեր Յունայթեդի» գլխավոր մարզչի պաշտոնից հեռացվել է դեկտեմբերի 18-ին: Այսօր պաշտոնապես հայտարարվեց, որ նախքան մրցաշրջանի ավարտը «կարմիր սատանաների» գլխավոր մարզչի պարտականությունները կատարելու է Ուլե-Գունար Սուլշերը:
