04.09.2026 | 14:24
Հայաստանը դիմել է երրորդ երկրի Բաքվում գտնվողներին հյուպատոսական աջակցություն ցուցաբերելու նպատակով․ ՏԵՍԱՆՅՈՒԹ
«Չեմ ցանկանում որևէ բան մեկնաբանել». Մարկ Գրիգորյանը՝ իր հրաժարականի մասին
19.12.2018 | 17:53
Հանրային ռադիոյի գործադիր տնօրեն Մարկ Գրիգորյանը հրաժարական է տվել: Factor.am-ի հետ զրույցում, սակայն, Գրիգորյանը չցանկացավ խոսել հրաժարականի պատճառների մասին:
Այս օրերին Հանրային ռադիոյի մի խումբ աշխատակիցներ գործադուլ սկսելու հայտարարություն էին տարածել՝ նշելով, որ ռադիոյի գործադիր տնօրենի պաշտոնում Մարկ Գրիգորյանի նշանակվելուց հետո չարաշահումներ են եղել, աշխատավարձերը չեն բարձրացվել:
Նշենք, որ Մարկ Գրիգորյանը Հանրային ռադիոյի գործադիր տնօրենի պաշտոնը զբաղեցնում էր շուրջ մեկ տարի:
Հիշեցնենք, որ ապրիլի 14-ին, երբ Նիկոլ Փաշինյանն ու նրա համախոհները մտել էին Հանրային ռադիոյի շենք և ուղիղ եթեր էին պահանջում, Փաշինյանը հեռախոսով կապ հաստատեց Մարկ Գրիգորյանի հետ՝ տեղեկացնելով, որ ստուդիաներից մեկում է: Նա նշեց, որ Հանրային հեռուստատեսությունն ու ռադիոն չեն լուսաբանում իրենց բողոքի ակցիաները, այդ իսկ պատճառով խնդրում է ուղիղ եթեր տրամադրել, որպեսզի կարողանա դիմել Հայաստանի քաղաքացիներին: Այնուհետև Փաշինյանը հայտնեց, որ Մարկ Գրիգորյանը խոստացել է մտածել և ավելի ուշ պատասխանել նրա խնդրանքին:
Ավելի ուշ Մարկ Գրիգորյանը հանդես եկավ պարզաբանմամբ՝ հերքելով Փաշինյանի խոսքերը. «Քո խոսքերը և քո գրավելը ցույց են տալիս, որ ո՛չ դու, ո՛չ էլ քո հետևորդները չեք լսում Հանրային ռադիոյի եթերը, որովհետև մենք բոյկոտի չենք ենթարկել ձեր շարժումը և լուսաբանել ենք ամեն ինչ»:
