15.12.2025 | 23:44
Ադրբեջանը պետք է դադարեցնի անձանց հսկողության MIRAS համակարգի ներդրումը. HRW
Ծանուցագիր չեմ ստացել, քրգործում իմ անվան շրջանառման մասին իմացել եմ մամուլից․ Արթուր Առաքելյան
Հասարակություն
18.12.2018 | 17:05
Տրանսպորտի և կապի նախկին փոխնախարար Արթուր Առաքելյանը լրատվամիջոցից է տեղեկացել, որ իր անունը շրջանառվում է «Հարավկովկասյան երկաթուղի» ընկերության գործունեության ընթացքում թույլ տրված չարաշահումների դեպքի առթիվ։
«Ո՛չ Քննչական կոմիտեից, ո՛չ էլ որևէ այլ մարմնից ծանուցագիր չեմ ստացել և, ընդհանրապես, լրատվամիջոցներից մեկից եմ տեղեկացել, որ այդ գործի շրջանակում շրջանառվում է իմ անունը»,-Factor.am-ի հետ զրույցում ասաց Առաքելյանը։
Նշենք, որ «Հարավկովկասյան երկաթուղի» ընկերության գործունեության ընթացքում թույլ տրված չարաշահումների դեպքի առթիվ հարուցված քրգործն արդեն Քննչական կոմիտեից ուղարկվել է Հատուկ Քննչական ծառայություն։
Հավելենք նաև, որ «Հարավկովկասյան երկաթուղի» ՓԲ ընկերության գործունեության ընթացքում թույլ տրված չարաշահումների դեպքի առթիվ ՀՀ քննչական կոմիտեի ՀԿԳ քննության գլխավոր վարչությունում քննվող քրեական գործով կատարված բազմակողմանի քննության ընթացքում փաստական տվյալներ են ձեռք բերվել ՀՀ տրանսպորտի, կապի և տեղեկատվական տեխնոլոգիաների նախարարության պատասխանատու պաշտոնատար անձի կողմից պաշտոնեական լիազորություններն առերևույթ չարաշահելու վերաբերյալ:
Աղավնի Սուքիասյան
