Քաղաքականություն
18.12.2018 | 14:04Հետընտրական ժամանակաշրջանում շատ բուռն զարգացումներ են տեղի ունենում թե՛ ներքաղաքական կյանքում, թե՛ արտաքին քաղաքականության մեջ, որտեղ առաձին մեծ սկանդալ դարձավ Յուրի Խաչատուրովի հետկանչը, իսկ, ընդհանուր առմամբ, կարելի է ասել, որ այս դեպքը առիթ էր, որը ջրի երես հանեց այն ամենն, ինչ կատարվում է ՀԱՊԿ-ում։
«Լուկաշենկոյի և Նազարբաևի հայտարարությունները չեն տեղավորվում ռազմական համագործակցության տրամաբանության մեջ, և, փաստորեն, նույն կազմակերպության ներսում երկու անդամներ մեկ այլ անդամի՝ Հայաստանի շահերի դեմ են հանդես գալիս, և ստեղծել են կրիտիկական իրավիճակ այդ կառույցի գլխավոր քարտուղարի ընտրության հարցում։ Այստեղ Հայաստանը ճիշտ դիրքորոշում որդեգրեց՝ հղում անելով կոնսենսուսին և այս գիծը Փաշինյանը պետք է պահի»,- այսօր հրավիրված մամուլի ասուլիսի ժամանակ ասաց արտակարգ և լիազոր դեսպան Արման Նավասարդյանը։
Վերջինիս խոսքով՝ ՀԱՊԿ-ում կատարվածը փաստում է, որ Ռուսաստանի շահերը համընկնում են Հայաստանի շահերի հետ, և Հայաստանն այս խնդրի վերաբերյալ պետք է ավելի մտերմանա ՌԴ-ի հետ, և այս երկու պետությունների համագործակցությունից է կապված այդ կառույցի գոյությունը։
Անդրադառնալով Հայաստանի՝ ՆԱՏՕ-ի անդամակցության վերաբերյալ խոսակցություններին՝ Արման Նավասարդյանը նկատեց, որ ՆԱՏՕ-ն շատ լուրջ ռազմական կազմակեպություն է, որն արգելում է իր անդամ պետության դեմ որևէ ռազմական ոտնձգություն, սակայն իրականությունն ու ՆԱՏՕ-ի կանոնադրությունն իրարից տարբեր են։
«Նույն կազմակերպության մեջ մտնող երկու երկիր՝ Հունաստանը և Թուրքիան, իրար հետ շատ մեծ խնդիրներ ունեն և այն կանոնադրությունը, որն ունի ՆԱՏՕ-ն որևէ արդյունք չի տվել․ եկեք հիշենք, ինչպես Թուրքիան օկուպացրեց Հունաստանի 38 տոկոսը և 200 հազար փախստական հույն հյուսիսից իջավ հարավ և մինչև հիմա 10 հազարից ավել թուրք զինվորականներ շարունակում են օկուպացրած պահել այդ տարածքները»,- ասաց դեսպանը՝ ընդգծելով, որ Հայաստանը պետք է ամուր քաղաքական դիրքում հայտնվել ՀԱՊԿ-ում և այդ կառույցը, ի հեճուկս Լուկաշենկոյի, կվերականգնի իր ստատուս քվոն, սակայն պետք է այստեղ ներդրվի նոր մոդել։
«ՀՀ-ն այլևս չի կարող աշխատել է այնպես, ինչպես Սերժ Սարգսյանի օրոք էր, երբ անընդհատ կուլ էր տալիս դառը հաբեր»,- նկատեց բանախոսը:
Մանրամասները՝ տեսանյութում:
Աղավնի Սուքիասյան
