18.09.2026 | 10:52
Երթևեկության կազմակերպման փոփոխություն՝ Երևանյան և Իսահակ Գասպարյան փողոցների (օդանավակայանի) խաչմերուկում
Լևոն Մնացականյանի պաշտոնանկության լուրերը հերքումից հետո էլ են շրջանառվում․ արդեն նրան փոխարինողի անուն է նշվում
13.12.2018 | 17:18
Մամուլում հրապարակում կար, թե Արցախի պաշտպանության բանակի շենքում է գտնվում ապագա պաշտպանության նախարար գեներալ-մայոր Կառլոս Աբրահամյանը։ Նա հանդիպում է սպաների հետ։
Լուրը ճշտելու համար Factor.am-ը կապվեց Արցախի ՊԲ խոսնակ Սենոր Հասրաթյանի հետ, վերջինս, սակայն հերքեց լուրը՝ ասելով, որ նման հանդիպում չի եղել։ Հարցին, իսկ քննարկվում է արդյոք նախարարի պաշտոնում Կառլոս Աբրահամյանի անունը, Հասրաթյանը նշեց․ «Նախարարի պաշտոնը զբաղեցնում է Լևոն Մնացականյանը, որևէ այլ հրամանագիր չկա»։
Ի դեպ, ըստ մամուլի, Կառլոս Աբրահամյանը Արցախի Ազգային անվտանգության ծառայության սահմանապահ զորքերի նախկին հրամանատար Արմեն Աբրահամյանի եղբայրն է։
Նշենք, որ Լևոն Մնացականյանի պաշտոնանկության լուրը դեռևս երեկվանից է քննարկվում, նա, սակայն, հերքել էր, ասելով, որ պաշտոնից ազատվելու դիմում չի գրել։
Լիլիթ Շաբոյան
