20.12.2025 | 20:00
100,000 ռուբլի՝ ՀՀ-ում լրտեսության համար․ ՌԴ քաղաքացիները Հայաստանում տվյալներ են հավաքել․ ՏԵՍԱՆՅՈՒԹ
Հունվարից գազի սակագնի բարձրացումը բացառվում է. Գարեգին Բաղրամյան. ՏԵՍԱՆՅՈՒԹ
Տնտեսություն
13.12.2018 | 13:11
Գազի սակագնի շուրջ բանակցություններն այս փուլում շարունակվում են: ՀՀ կառավարության նիստից հետո լրագրողների հետ ճեպազրույցում ասաց էներգետիկ ենթակառուցվածքների և բնական պաշարների նախարարի պաշտոնակատար Գարեգին Բաղրամյանը:
Հարցին, թե մինչև տարեվերջ արդյունք կունենա՞նք, հաշվի առնելով, որ գազային պայմանագրի ժամկետն ավարտվում է, պաշտոնյան պատասխանեց. «Պայմանագրի ավարտվելը խնդիր չէ, որովհետև այն կերկարաձգվի այնքան ժամանակ, մինչև բանակցությունները կավարտվեն: Դրանք ծանր և երկար ժամանակ պահանջող բանակցություններ են: Ես մի անգամ էլ եմ նշել, որ քանի դեռ պայմանավորվածություն չկա, գինը կպահպանվի այն, ինչ ունենք այսօր»:
Գարեգին Բաղրամյանի խոսքով՝ առայժմ սակագնի հետ կապված որևէ թիվ չի կարող ասել, քանի դեռ բանակցություններն ավարտված չեն: «Բնականաբար, բանակցում ենք նվազեցնելու շուրջ, ոչ ոք չի բանակցում բարձրացնելու շուրջ»,- հավելեց նա:
Մանրամասները՝ տեսանյութում:
Լիլիթ Շաբոյան
