Հասարակություն
12.12.2018 | 17:23
Սերժ Սարգսյանի եղբորորդու Հայկ Սարգսյանի գործով տուժող Դավիթ Սիմոնյանն այսօր դատարան էր եկել իր անվտանգությունը հսկող ոստիկանության երկու աշխատակիցների հետ:
Ոստիկանները Դավիթ Սիմոնյանի հետ գտնվում էին ապակեպատ դահլիճի մյուս կողմում, որտեղ մեղադրյալն ու տուժողն էին: Սակայն դատարանի որոշմամբ նրանք տեղափոխվեցին դահլիճի մյուս հատված, ուր լրագրողներն են ու մեղադրյալի հարազատները: Դատավորը պատճառաբանեց, որ դատական կարգադրիչները նիստին ներկա են և որևէ վտանգ չի կարող սպառնալ տուժողին:
Հիշեցնենք, պաշտոնաթող նախագահ Սերժ Սարգսյանի եղբորորդուն՝ Հայկ Սարգսյանին, մեղադրանք էր առաջադրվել սպանության փորձ կատարելու, ապօրինի կերպով հրազեն և ռազմամթերք ձեռք բերելու ու պահելու համար:
Վերջինս հիշեցնենք հուլիսի 11-ին կալանավորվել էր, իսկ սեպտեմբերի 10-ին 50 միլիոն գրավի դիմաց ազատ էր արձակվել: Ալեքսանդր Սարգսյանի մյուս որդին` Նարեկ Սարգսյանը, որը հետախուզման մեջ էր, հայտնաբերվել է Պրահայում, բայց դեռ չի արտահանձնվել հայկական կողմին:
Լիլիթ Շաբոյան
