05.06.2026 | 13:44
«Հայաստան» դաշինքն ամփոփում է քարոզարշավը. ՈՒՂԻՂ
Բողոքարկել, թե՞ չբողոքարկել․ ՀՀԿ-ն պահում է ինտրիգը
Քաղաքականություն
12.12.2018 | 11:29
ՀՀԿ կազմակերպչական հանձնաժողովի նախագահ Ռուբեն Թադևոսյանն ինչպես երեկ, այնպես էլ այսօր՝ ընտրությունների բողոքարկման համար սահմանված վերջին օրը, հստակ պատասխան չունի՝ իրենց կուսակցությունը ընտրությունների արդյունքները բողոքարկելու է, թե՞ ոչ։
«Չեմ կարող ասել, դեռ ժամանակ կա, ամեն ինչ կարվի ժամկետներին համապատասխան»,-ի պատասխան Factor.am-ի հարցի՝ պատրաստվո՞ւմ են արդյոք բողոքարկել ընտրությունների արդյունքները, ասաց Թադևոսյանը։
Մեզ հետ զրույցում, սակայն, ՀՀԿ-ական մեկ այլ գործիչ նշեց, որ եթե կուսակցությունում որոշում լիներ ընտրությունների արդյունքները բողոքարկելու, ապա այդ որոշումն արդեն ԿԸՀ-ում կլիներ։ «Եթե ընտրությունների արդյունքները բողոքարկեինք, դա արդեն արած կլինեինք»,-ասաց ՀՀԿ-ականը։
Նշենք, որ ըստ ԿԸՀ-ի՝ ընտրությունների արդյունքների բողոքարկման վերջնաժամկետն այսօր է․ կուսակցություններն ու դաշինքները կարող են իրենց դիմումները ներկայացնել մինչ 18։00-ն։
