20.10.2026 | 13:31
Հայաստանից 908,6 տոննա ծաղիկ է արտահանվել 30 երկիր․ արտահանման աշխարհագրությունն ընդլայնվել է
ՀՀԿ-ում մտածում են բողոքարկման մասին, հատ-հատ ստուգում են տեղամասերի արդյունքները
Քաղաքականություն
11.12.2018 | 15:16
Հանրապետական կուսակցությունում մտածում են ընտրությունների արդյունքները բողոքարկելու մասին․ արդյունքները հայտարարելուց հետո ՀՀԿ-ականները հատ-հատ ստուգում են ընտրատեղամասերում իրենց օգտին կատարած քվեարկությունները։
Factor.am-ի հետ զրույցում ՀՀԿ կազմակերպչական հանձնաժողովի նախագահ Ռուբեն Թադևոսյանն ասաց, որ մինչ այս պահը վերջնական որոշում չունեն, սակայն մտածում են այդ մասին. «Երեկվանից ամփոփում ենք բոլոր ընտրատեղամասերից ստացված արդյունքները, հատ-հատ այդ արդյունքները ստուգում ենք, դեռ ժամանակ ունենք մինչև վերջնական որոշման կայացումը․ այս պահին հստակ չեմ կարող ասել՝ կբողոքարկե՞նք արդյունքները, թե՝ ոչ․ դա կախված է բոլոր տեղամասերի արդյունքների ամփոփումից»։
Հիշեցնենք, որ դեկտեմբերի 9-ին կայացած արտահերթ խորհրդարանական ընտրություններին Հայաստանի Հանրապետական կուսակցությունը չհաղթահարեց 5 տոկոսանոց անցողիկ շեմը և չի հայտնվի 7-րդ գումարման Ազգային ժողովում։
