21.01.2026 | 18:23
Փաշինյանին միացած եպիսկոպոսները չեն մասնակցի Եպիսկոպոսաց ժողովին // Պուտինը կընդունի Թրամփի բանագնացին․ ԼՈՒՐԵՐ
Դատարանն այս պահին քննում է Մանվել Գրիգորյանի կալանքը երկարաձգելու հարցը․ նրա առողջական վիճակը վատացել է
Հասարակություն
11.12.2018 | 14:35
Այս պահին Երևանի ընդհանուր իրավասության դատարանի Շենգավիթի նստավայրում քննվում է ՀՀ ԱԺ նախկին պատգամավոր Մանվել Գրիգորյանի կալանքը երկարաձգելու միջնորդությունը։
Տեղեկությունը Factor.am-ի հետ զրույցում հաստատեց Գրիգորյանի պաշտպան Արսեն Մկրտչյանը։
Նշենք, որ դատարանում վատացել է Մանվել Գրգորյանի առողջական վիճակը և նրա համար շտապօգնության մեքենա են կանչել։
Հիշեցնենք, որ Մանվել Գրիգորյանին մեղադրանք է առաջադրվել ապօրինի կերպով ռազմամթերք ձեռք բերելու և այլ անձանց հետ նախնական համաձայնությամբ Արմավիրի մարզի Արշալույս համայնքի, Էջմիածին քաղաքի մի քանի հասցեներում գտնվող, իրեն պատկանող առանձնատներում պահելու, ինչպես նաև մի խումբ անձանց հետ նախնական համաձայնությամբ յուրացման եղանակով իր վստահությանը հանձնված առանձնապես խոշոր չափերով ուրիշի գույք հափշտակելու համար։
