29.09.2026 | 23:23
«Դեֆանս Հաուզինգ»-ը պարզաբանել է թաղամասում երեք մարդու մահվան դեպքի հանգամանքները
«Դեֆանս Հաուզինգ»-ը պարզաբանել է թաղամասում երեք մարդու մահվան դեպքի հանգամանքները
Հասարակություն
29.09.2026 | 23:23
«Դեֆանս Հաուզինգ Ինվեստ» ընկերությունը հայտարարություն է տարածել սեպտեմբերի 29-ին «Դեֆանս Հաուզինգ» թաղամասում տեղի ունեցած դժբախտ դեպքի վերաբերյալ՝ ներկայացնելով դեպքի հանգամանքների վերաբերյալ իր պարզաբանումները։
Ընկերության փոխանցմամբ՝ «Դեֆանս Հաուզինգ Ինվեստ»-ը «Դեֆանս Հաուզինգ» թաղամասի կառուցապատողն է, իսկ բուն շինարարական աշխատանքներն իրականացնում են պայմանագրային կապալառու կազմակերպությունները։
«Դեֆանս Հաուզինգ»-ը նշում է, որ սեպտեմբերի 29-ին տեղի ունեցած՝ երեք մարդու մահվան ելքով դեպքը, ըստ ընկերության, տեղի չի ունեցել շինարարական աշխատանքների իրականացման ընթացքում։
Ընկերության հաղորդմամբ՝ դեպքը տեղի է ունեցել, երբ շինարարական աշխատանքներն ավարտած ընկերություններից մեկը ապամոնտաժել է իրեն պատկանող աշտարակային կռունկը։ Ընկերությունը նաև ընդգծում է, որ դեպքի հետևանքով մահացած երեք անձինք «Դեֆանս Հաուզինգ Ինվեստ»-ի աշխատակիցներ չեն եղել։
Ավելի վաղ տեղեկացրել էինք, որ Երևան քաղաքի Տիչինայի փողոցի թիվ 120 հասցեի մոտակայքում, շինարարական աշխատանքներ իրականացնելիս, վերամբարձ կռունկը մասամբ վնասվել և ընկել է։ Նախնական տվյալներով՝ կա 3 զոհ։
