28.09.2026 | 18:28
9 անշարժ գույք և 8.5 մլն դրամ եկամուտ․ ինչ է հայտարարագրել Իջևանի ՏԻՄ ընտրություններում ՔՊ-ի ցուցակը գլխավորող համայնքապետը
«Թաղման նպաստի» վճարման նոր նախագիծն առաջիկայում կդրվի շրջանառության մեջ
Հասարակություն
28.09.2026 | 18:03
Պետության կողմից տրամադրվող «մահվան նպաստների» վճարման կարգում մտցվող սահմանափակումների նախագիծն առաջիկայում կներկայացվի հանրային քննարկման։ Այս մասին Factor.am-ի հարցին ի պատասպան ասաց Աշխատանքի և բարեկեցության նախարարության մամուլի խոսնակը։
Նշենք՝ փոփոխությունները ենթադրում են, որ ոչ բոլոր հանգուցյալների ընտանիքներին է տրվելու «մահվան նպաստը»։
«Մենք մի ծրագիր ունենք, որն այդքան էլ նպաստավոր չէ՝ թաղման նպաստը, որ բոլորին համատարած տրվում է, մենք որոշեցինք, որ թաղման նպաստի կիրառումն իրականացնենք միայն սոցիալապես անապահովների մասով, մնացած բյուջեն բաշխել և մի փոքր թոշակներն ավելացնել, որպեսզի սկսենք գնաճի կոմպենսացման պրոցեսը»,- այս մասին Բուն TV-ին տված հարցազրույցի ընթացքում նշել էր վարչապետ Փաշինյանը։
Նշենք, որ մահվան նպաստի չափը 200 հազար դրամ է։ Ուշագրավ է, որ Կառավարությունը նման նախաձեռնությամբ է հանդես գալիս բարձրաստիճան պաշտոնյաների ու պետական ծառայողների աշխատավարձը բարձրացնելու օրենք ընդունելու ֆոնին։
Օրենքի նախագծին Կառավարությունն արդեն հավանություն է տվել, այն առաջիկայում քննարկվելու է ԱԺ-ում։ Բյուջեից լրացուցիչ 25 միլիարդ է հատկացվելու պաշտոնյաների աշխատավարձի համար։
Նարեկ Կիրակոսյան
