28.09.2026 | 14:03
5.9 հա հողատարածք վերադարձվել է Բերդ համայնքի սեփականությանը
Հովք գյուղում ավելի քան 300 մետր երկաթե խողովակ գողանալու կասկածանքով 3 անձ է ձերբակալվել
Հասարակություն
28.09.2026 | 13:20
Քրեական ոստիկանները Գեղարքունիքի մարզի երեք բնակչի ձերբակալել են Հովք գյուղում հատուկ տեխնիկայով հողի շերտը հեռացնելու և ավելի քան 300 մետր երկաթե խողովակ հանելու կասկածանքով։ Նշվում է՝ պետությանը պատճառվել է առանձնապես խոշոր չափերի վնաս։
«Քրեական ոստիկանները ձերբակալել են Գեղարքունիքի մարզի երեք բնակչի՝ Հովք գյուղում հողի շերտը հեռացնելով երկաթե խողովակներ գողանալիս։
Տարածքը, որտեղ աշխատում էր երկու տրակտոր, վերցվել է հսկողության տակ։
Ձերբակալվածներն ու կազմված փաստաթղթերը ներկայացվել են Դիլիջանի քննչական բաժին, որտեղ նախաձեռնվել է քրեական վարույթ։
Ըստ նախնական տվյալների՝ հատուկ տեխնիկայով հեռացվել է մոտ 450 մետր հողի շերտ և զոդման միջոցով հանվել 70 սմ տրամագծով ավելի քան 300 մետր երկաթե խողովակ։
Պետությանը պատճառվել է առանձնապես խոշոր չափերի վնաս։Հանգամանքները պարզվում են»,- ասված է ՆԳՆ-ի տարածած հաղորդագրությունում։
