20.10.2026 | 14:05
ՔՊ-ն ԿԲ խորհրդի անդամի պաշտոնում առաջադրել է Սևակ Միքայելյանի թեկնածությունը․ ՏԵՍԱՆՅՈՒԹ
5.9 հա հողատարածք վերադարձվել է Բերդ համայնքի սեփականությանը
Հասարակություն
28.09.2026 | 14:03
Հակակոռուպցիոն դատարանի օրինական ուժի մեջ մտած վճռի հիման վրա Տավուշի մարզի Բերդ համայնքի սեփականության իրավունքն է գրանցվել Նավուր գյուղում գտնվող 3 հողատարածքների նկատմամբ՝ ընդհանուր 5.9 հա մակերեսով և 1.58 մլն դրամ կադաստրային արժեքով։
Դատախազության հաղորդագրությունը՝ ստորև․
«Գլխավոր դատախազությունը 2025 թվականի դեկտեմբերի 27-ին հայցադիմում էր ներկայացրել Հակակոռուպցիոն դատարան՝ ընդդեմ ՍՊ ընկերության, երրորդ անձ՝ ՓԲ ընկերության՝ 5.9 հա մակերեսով 3 հողամասերի վերաբերյալ 2025 թվականին կատարված սեփականության իրավունքի գրանցումը հարկադիր դադարեցնելու պահանջով:
Հակակոռուպցիոն դատարանը 2026 թվականի հուլիսի 31-ի վճռով հաստատել էր Գլխավոր դատախազության, ՍՊ ընկերության և ՓԲ ընկերության միջև կնքված հաշտության համաձայնությունը:
Օրինական ուժի մեջ մտած վճռի հիման վրա՝ 2026 թվականի սեպտեմբերի 25-ին Կադաստրի կոմիտեում Տավուշի մարզի Բերդ համայնքի սեփականության իրավունքն է գրանցվել Նավուր գյուղում գտնվող վերոնշյալ 3 հողատարածքների նկատմամբ, որոնց կադաստրային ընդհանուր արժեքը 1 միլիոն 580 հազար դրամ է»։
