26.10.2026 | 13:25
Հերի՛ք եղավ, կյանքներս կերան, թող գնան «սև ցուցակ», խզե՛լ պայմանագիրը․ Ավինյան․ ՏԵՍԱՆՅՈՒԹ
Համաշխարհային օլիմպիադա. Հայաստանի հավաքականը հաղթեց Ադրբեջանին
25.09.2026 | 19:37
Ուզբեկստանի Սամարղանդ քաղաքում անցկացվող շախմատի 46-րդ Համաշխարհային օլիմպիադայում սեպտեմբերի 25-ին կայացան 9-րդ տուրի պարտիաները:
Հայաստանի հավաքականը 2.5:1.5 հաշվով հաղթեց ադրբեջանցիներին։
Թիմին հաղթական միավորը պարգևեց գրոսմայստեր Գաբրիել Սարգսյանը՝ հաղթելով գրոսմայստեր Ռաուֆ Մամեդովին։
Գրոսմայստերներ Հայկ Մարտիրոսյանի, Ռոբերտ Հովհաննիսյանի և Շանթ Սարգսյանի պարտիաներն ավարտվեցին ոչ-ոքի արդյունքով։
Հայաստանի հավաքականը 9 տուրերում տարել է 6 հաղթանակ, գրանցել 3 ոչ-ոքի և 15 թիմային միավորով բաժանում է 2-4-րդ տեղերը։ Առաջատարը 16 միավոր ունեցող Ուզբեկստանի հավաքականն է, որը հաջորդ տուրում կմրցի Հայաստանի հավաքականի հետ։
Կանանց Հայաստանի հավաքականը մրցեց մրցաշարային աղյուսակը գլխավորող Չինաստանի թիմի հետ ու պարտվեց 1:3 հաշվով: Լիլիթ Մկրտչյանը և Էլինա Դանիելյանը պարտություն կրեցին, իսկ Մարիամ Մկրտչյանը և Սուսաննա Գաբոյանը ոչ- ոքի խաղացին:
9 տուրերում կանանց Հայաստանի հավաքականը տարել է 7 հաղթանակ, կրել 2 պարտություն և 14 միավորով բաժանում է 5-10-րդ տեղերը։ Առաջատար Չինաստանը հավաքել է 17 միավոր։
Համաշխարհային օլիմպիադան կավարտվի սեպտեմբերի 27-ին: Կանցկացվի 11 տուր:
Դավիթ Եղիազարյան
