25.09.2026 | 12:20
ԵՄ-ն հայկական արտադրանքին գրկաբաց չի սպասելու․ ՌԴ ԱԳՆ
Հայաստանի հավաքականի բասկետբոլիստը տեղափոխվել է «Բոտև 2012»
25.09.2026 | 11:37
Հայաստանի ազգային հավաքականի բասկետբոլիստ Յուրա Մելիքյանը կարիերան կշարունակի Բուլղարիայում՝ միանալով «Բոտև 2012» ակումբին, հաղորդում է ՀԲՖ մամուլի ծառայությունը:
20-ամյա բասկետբոլիստի նոր թիմը 2026/27 մրցաշրջանում հանդես կգա Բուլղարիայի Ազգային բասկետբոլային լիգայում (NBL)։
Մելիքյանը նոր մրցաշրջանի նախապատրաստական փուլն անցկացրել է Բուլղարիայի գործող չեմպիոն «Բալկանի» կազմում՝ մասնակցելով մի շարք ստուգողական հանդիպումների։ «ՏՖՏ Սկոպյեի» դեմ խաղում նա գրանցել է դաբլ-դաբլ՝ վաստակելով 13 միավոր և կատարելով 13 ռեբաունդ։
Նախապատրաստական շրջանից հետո Մելիքյանը միացել է «Բոտև 2012»-ին և արդեն մասնակցել նոր թիմի կազմում առաջին ստուգողական հանդիպմանը։ «Լևսկիի» դեմ խաղում նա գրանցել է դաբլ-դաբլ՝ 12 միավոր և 11 ռեբաունդ։
Մինչև Բուլղարիա տեղափոխվելը Մելիքյանը հանդես է եկել լատվիական «Լատվիաս Ունիվերսիտատե» և շվեյցարական «Սթարվինգս Բազել» ակումբներում։
