24.09.2026 | 11:24
Միրզոյանը Նյու Յորքում ԱՄՆ և Ադրբեջանի ներկայացուցիչների հետ քննարկել է ԹՐԻՓՓ-ի և Թրանս-Կասպյան երթուղու հեռանկարները
Փաշինյանը Նյու Յորքում հանդիպել է ամերիկյան բուհերում սովորող հայ ուսանողների հետ
Հասարակություն
24.09.2026 | 10:53
Վարչապետ Նիկոլ Փաշինյանը Նյու Յորքում հանդիպել է ամերիկյան առաջատար բուհերում սովորող Համահայկական ուսանողական ասոցիացիայի անդամների հետ։ Նա ներկայացրել է «Իրական Հայաստանի» գաղափարախոսության սկզբունքները և պատասխանել Սփյուռքի հետ կապերին, կրթությանը, պետական կառավարման համակարգ մասնագետների ներգրավմանը և Կառավարության քաղաքականությանը վերաբերող հարցերի։ Փաշինյանը նախկինում ևս ուսանողների հետ հանդիպումներում ներկայացրել է «Իրական Հայաստանի» գաղափարախոսությունը։
ՀՀ կառավարության հաղորդագրությունը՝ ստորև․
Վարչապետ Նիկոլ Փաշինյանը Նյու Յորքում հանդիպում է ունեցել Համահայկական ուսանողական ասոցիացիայի անդամների հետ, որոնք կրթություն են ստանում ամերիկյան առաջատար բուհերում:
Վարչապետ Փաշինյանը ուսանողներին է ներկայացրել Իրական Հայաստանի գաղափարախոսությունը և դրա սկզբունքները:
Երկրի ղեկավարն անդրադարձել է Սփյուռքի հետ կապերին, կրթության որակի բարձրացմանը, պետական կառավարման համակարգ բարձրակարգ մասնագետներին ներգրավելու, տարբեր ուղղություններով Կառավարության քաղաքականությանը վերաբերող թեմաների:
Վարչապետը պատասխանել է նաև ներկաներին հետաքրքրող մի շարք հարցերի:
