20.10.2026 | 15:04
Ավտոբուսում կնոջը վիրավորելու դեպքով քրեական վարույթ է նախաձեռնվել՝ երկու հոդվածով
«Բարսելոնան» դարձյալ կհեռանա «Կամպ Նոու» մարզադաշտից
23.09.2026 | 13:30
Ֆուտբոլի Իսպանիայի չեմպիոն «Բարսելոնան» հաջորդ մրցաշրջանում տնային հանդիպումները կանցկացնի Լուիս Կոմփանիսի անվան Օլիմպիական մարզադաշտում և կվերադառնա «Կամպ Նոու» 2028 թվականի հունվարին, հաղորդում է ESPN-ը։
Այդ մասին ակումբի անդամների ընդհանուր ժողովում հայտարարել է «Բարսելոնայի» գանձապահ Ֆերան Օլիվան։ Թիմն ընթացիկ մրցաշրջանը կավարտի «Կամպ Նոու» ստադիոնում, այնուհետև ժամանակավորապես կտեղափոխվի Լուիս Կոմպանիսի անվան մարզադաշտ։
Ակնկալվում է, որ թիմի վերադարձից հետո «Կամպ Նոու» մարզադաշտի տարողունակությունը կհասնի 95,000 հանդիսականի։ Ակումբը նախատեսում է այն հասցնել 105,000-ի մինչև 2028/29 մրցաշրջանի մեկնարկը։
Վերակառուցման ուշացումների պատճառով «Բարսելոնայի» անդամները հաստատել են նախագծի համար լրացուցիչ ֆինանսավորում՝ 510 միլիոն եվրոյի չափով։ Վերակառուցման ընդհանուր արժեքը մոտեցել է 2 միլիարդ եվրոյի։ Ավելին, ժամանակավոր մարզադաշտում խաղալու երկու մրցաշրջանների ընթացքում ակումբը կատարել է շուրջ 17 միլիոն եվրոյի գործառնական ծախսեր ու ևս 24 միլիոն եվրո ծախսել է տեղափոխման վրա։
Վերանորոգված «Կամպ Նոու» մարզադաշտն ընդունելու է 2029 թվականի Չեմպիոնների լիգայի եզրափակիչը։ Մարզադաշտը նախկինում գլխավոր եվրագավաթի եզրափակիչ խաղերը հյուրընկալել է 1989 և 1999 թվականներին։
Դավիթ Եղիազարյան
