19.09.2026 | 20:00
«Հայաստան այցս հետաձգվում է ֆիզիկական սպառնալիքի մասին նախազգուշացման պատճառով»․ ռուս ընդդիմադիր գործիչ
Համաշխարհային օլիմպիադա. Շախմատի Հայաստանի հավաքականի հաղթարշավը շարունակվում է
19.09.2026 | 19:41
Հայաստանի հավաքականը շարունակում է հաղթարշավը Ուզբեկստանի Սամարղանդ քաղաքում ընթացող շախմատի 46-րդ Համաշխարհային օլիմպիադայում:
Չորրորդ տուրում հայ շախմատիստները մրցեցին Արգենտինայի հավաքականի հետ ու հաղթեցին 2.5:1.5 հաշվով: Հայաստանի հավաքականին հաղթանակ պարգևեց Շանթ Սարգսյանը, որը սև խաղաքարերով հաղթեց գրոսմայստեր Սանդրո Մարեկոյին: Հայկ Մարտիրոսյանը, Ռոբերտ Հովհաննիսյանը և Գաբրիել Սարգսյանը ոչ-ոքի ավարտեցին իրենց պարտիաները:
Նախորդ երեք տուրերում Հայաստանի հավաքականը հաղթել էր Բարբադոսին, Շոտլանդիային ու Շվեդիային և առաջատարների թվում է:
Երեք հաղթանակով մեկնարկած կանանց Հայաստանի հավաքականը 1:3 հաշվով պարտվեց Ղազախստանի թիմին: Լիլիթ Մկրտչյանը և Սուսաննա Գաբոյանը պարտություն կրեցին, իսկ Մարիամ Մկրտչյանը և Էլինա Դանիելյանը ոչ-ոքի խաղացին:
Համաշխարհային օլիմպիադան կավարտվի սեպտեմբերի 27-ին: Կանցկացվի 11 տուր:
Դավիթ Եղիազարյան
