UFC-ի թեթևագույն քաշային կարգի չեմպիոն Պետր Յանը կանխատեսում է արել հայ մարտիկ Արման Ծառուկյանի և բրազիլացի Մաուրիսիո Ռուֆիի մենամարտի վերաբերյալ:
«Ամեն դեպքում, Արմանը նախընտրում է ըմբշամարտի ոճը, մինչդեռ Ռաֆին ավելի շատ հարվածային մարտիկ է և հարվածում է տարածության վրա՝ օգտվելով իր մարդաչափության՝ երկար ձեռքերի և ոտքերի առավելությունից։
Այս մենամարտում կհանդիպեն երկու տարբեր ոճերի մարտիկներ։ Նա, ով կկարողանա իր ոճը թելադրել, կհաղթի։ Իմ կանխատեսումը՝ Արման Ծառուկյանը կհաղթի մենամարտում»,- սոցցանցերում նշել է ռուս մարտիկը:
29-ամյա Ծառուկյանը և 30-ամյա Ռուֆին կհանդիպեն սեպտեմբերի 19-ին Լոս Անջելեսում կայանալիք UFC 331 մրցաշարում՝ գլխավոր մենամարտից առաջ: Խառը մենամարտերում Հայաստանի ներկայացուցիչը մասնակցել է 26 հանդիպման, տարել 23 հաղթանակ ու կրել 3 պարտություն։ Մաուրիսիո Ռուֆին խառը մենամարտերում ունի 12 հաղթանակ և 2 պարտություն:
Դավիթ Եղիազարյան
