Հայաստանի ներկայացուցիչ Ալինա Չարաևան ավարտել է ելույթները բրազիլական Սան Պաուլոյում անցկացվող WTA-250 շարքի մրցաշարում:
Քառորդ եզրափակիչում 24-ամյա թենիսիստը 4:6, 5:7 հաշվով պարտվել է Ֆրանսիան ներկայացնող Աննա Բլինկովային: Մրցախաղը տևել է 1 ժամ 51 րոպե: Աշխարհի 94-րդ ռակետ Բլինկովայի հաջորդ մրցակիցը կլինի իսպանացի Կաիտլին Քևեդոն:
Հիշեցնենք, որ 1/8 եզրափակիչում Ալինա Չարաևան 6:2, 6:3 հաշվով հաղթել էր Հայաստանի ներկայացուցիչ Էլինա Ավանեսյանին:
Կանանց թենիսի ասոցիացիայի (WTA) դասակարգման աղյուսակում Ալինա Չարաևան 133-րդն է, իսկ Էլինա Ավանեսյանը զբաղեցնում է 155-րդ տեղը։
Սան Պաուլոյի մրցաշարի մրցանակային հիմնադրամը 283 հազար դոլար է։
Դավիթ Եղիազարյան
