Ազատ ոճի ըմբշամարտի Եվրոպայի քառակի չեմպիոն, աշխարհի առաջնության քառակի բրոնզե մեդալակիր Արսեն Հարությունյանը նվաճել է RAF (Real American Freestyle) ազատ ոճի ըմբշամարտի լիգայի թեթևագույն քաշային կարգի չեմպիոնի կոչումը:
ԱՄՆ-ի Մայամի քաղաքում կայանալիք RAF 13 մրցաշարում 26-ամյա հայ ըմբիշը մրցել է Օստին Դեսանտոյի հետ ու հաղթել 6:3 հաշվով։ 27-ամյա ամերիկացի ըմբիշը RAF-ում 3 հաղթանակից հետո կրել է առաջին պարտությունը և զրկվել տիտղոսից:
Արսեն Հարությունյանն այս տարի է նորամուտը նշել RAF-ում և տարավ երրորդ հաղթանակը: Նախորդ երկու գոտեմարտերում Հայաստանի ներկայացուցիչը 14։4 հաշվով հաղթել էր Պուերտո Ռիկոն ներկայացնող Կալեբ Սմիթին ու 6։5 հաշվով էր ուժեղ գտնվել ամերիկացի ըմբիշ Բեն Դավինոյից:
Դավիթ Եղիազարյան
