Ուզբեկստանի Սամարղանդ քաղաքում ընթացող շախմատի 46-րդ Համաշխարհային օլիմպիադայի երրորդ տուրը ևս հաղթական էր Հայաստանի հավաքականների համար:
Տղամարդկանց Հայաստանի հավաքականը 2.5:1.5 հաշվով պարտության մատնեց Շվեդիայի թիմին: Գաբրիել Սարգսյանը հաղթանակով ավարտեց իր պարտիան, իսկ Հայկ Մարտիրոսյանը, Շանթ Սարգսյանը և Մանուէլ Պետրոսյանը ոչ-ոքի խաղացին:
Կանանց Հայաստանի հավաքականը 4:0 հաշվով վստահ հաղթանակի հասավ Խորվաթիայի թիմի նկատմամբ: Հաղթանակներ տարան Լիլիթ Մկրտչյանը, Մարիամ Մկրտչյանը, Էլինա Դանիելյանը և Սուսաննա Գաբոյանը:
Հիշեցնենք, որ մեկնարկային երկու տուրերում տղամարդկանց Հայաստանի հավաքականը հաղթել էր Բարբադոսին ու Շոտլանդիային, իսկ կանանց թիմը պարտության էր մատնել Հոնկոնգին ու Սինգապուրին։
Համաշխարհային օլիմպիադան կավարտվի սեպտեմբերի 27-ին: Կանցկացվի 11 տուր:
Դավիթ Եղիազարյան
