Լատվիայի հավաքականի գլխավոր մարզիչ Պաոլո Նիկոլատոն հրապարակել է թիմի կազմը Հայաստանի (սեպտեմբերի 25) և Կիպրոսի (սեպտեմբերի 28) դեմ Ազգերի լիգայի հանդիպումների համար:
Հայտացուցակում ընդգրկվել է նաև շվեդական «Նորչյոպինգի» հարձակվող Ալբերտ Ալեքսանյանը: 20-ամյա ֆուտբոլիստն ազգային թիմում նորամուտը կարող է նշել հենց Հայաստանի հավաքականի դեմ խաղում:
«Նորչյոպինգը» հանդես է գալիս Շվեդիայի առաջին դիվիզիոնում և 24-րդ տուրից հետո 52 միավորով առաջատարն է: 193 սմ հասակ ունեցող Ալբերտ Ալեքսանյանն ընթացիկ առաջնությունում մասնակցել է 18 խաղի ու դարձել 1 գոլի հեղինակ: Transfermarkt-ը 150 հազար եվրո է գնահատում հարձակվողի տրանսֆերային արժեքը:
Դավիթ Եղիազարյան
