18.09.2026 | 07:58
Փաշինյանն աշխատանքային այցով մեկնել է Գերմանիա․ նրան կշնորհվի Հեսսեյան Խաղաղության մրցանակը
Փաշինյանն աշխատանքային այցով մեկնել է Գերմանիա․ նրան կշնորհվի Հեսսեյան Խաղաղության մրցանակը
18.09.2026 | 07:58
Վարչապետ Նիկոլ Փաշինյանն աշխատանքային այցով մեկնել է Գերմանիա։ Վիսբադենում՝ Հեսսենի երկրամասային խորհրդարանում, նրան կհանձնվի Հեսսեյան Խաղաղության մրցանակը՝ Հարավային Կովկասում խաղաղության հաստատմանն ուղղված ջանքերի համար։ Այցի շրջանակում Փաշինյանը նաև հանդիպում կունենա Ֆրանկֆուրտի գործարար համայնքի ներկայացուցիչների հետ։
«Վարչապետ Նիկոլ Փաշինյանն աշխատանքային այցով մեկնել է Գերմանիայի Դաշնային Հանրապետություն:
Այցի շրջանակում Վիսբադենում՝ Հեսսենի դաշնային երկրամասային խորհրդարանում, հանդիսավոր արարողության շրջանակում Հարավային Կովկասում խաղաղության հաստատմանն ուղղված ջանքերի համար ՀՀ վարչապետին կշնորհվի Հեսսեյան Խաղաղության մրցանակը:
Հաջորդիվ Նիկոլ Փաշինյանը Ֆրանկֆուրտի արդյունաբերության և առևտրի պալատում հանդիպում կունենա տեղի գործարարների հետ»,- ասված է ՀՀ կառավարության տարածած հաղորդագրությունում։
Հեսսեյան Խաղաղության մրցանակը հիմնադրվել է 1993 թվականին Հեսսենի նախկին վարչապետ Ալբերտ Օսվալդի և նրա ընտանիքի կողմից, իսկ առաջին անգամ շնորհվել է 1994 թվականին։ Մրցանակը նախատեսված է այն անձանց համար, որոնք նշանակալի ներդրում են ունեցել խաղաղության և ժողովուրդների միջև փոխըմբռնման առաջմղման գործում։ Մրցանակի դրամական պարգևը 25 հազար եվրո է։
2026 թվականին մրցանակը շնորհվում է Նիկոլ Փաշինյանին՝ Հարավային Կովկասում խաղաղության հաստատմանն ուղղված ջանքերի, Հայաստանում ժողովրդավարական ինստիտուտների զարգացման և Եվրոպական միության հետ մերձեցման քաղաքականության համար։ Մրցանակաբաշխությունը տեղի կունենա այսօր՝ սեպտեմբերի 18-ին, Վիսբադենում՝ Հեսսենի երկրամասային խորհրդարանում։
