UFC-ի թեթև քաշային կարգի դասակարգման երկրորդ համար Արման Ծառուկյանը վստահ է, որ բրազիլացի Մաուրիսիո Ռուֆիին հաղթելու դեպքում անցկացնելու է չեմպիոնական մենամարտ:
«Այո, 100 տոկոս է, որ այս մենամարտից հետո մենամարտելու եմ չեմպիոնական գոտու համար։ UFC-ի հետ այդպիսի զրույց արդեն եղել է։ Այժմ կենտրոնացած եմ միայն Ռուֆիի դեմ մենամարտի վրա։ Եթե հաղթե, հաջորդ տարվա սկզբում կլինի տիտղոսային մենամարտը»,- հայ մարտիկի խոսքը մեջբերում է «Матч ТВ»-ն։
UFC-ի թեթև քաշային կարգի գործող չեմպիոնն ամերիկացի Ջասթին Գեյջին է։
Ծառուկյանը և Ռուֆին կհանդիպեն սեպտեմբերի 19-ին Լոս Անջելեսում կայանալիք UFC 331 մրցաշարում՝ գլխավոր մենամարտից առաջ: 29-ամյա Արման Ծառուկյանը UFC-ում նորամուտը նշել է 2019 թվականին, նախորդ մենամարտն անցկացրել է 2025թ․ նոյեմբերի 22-ին՝ խեղդող հնարքով հաղթելով նորզելանդացի Դեն Հուկերին։ Խառը մենամարտերում Հայաստանի ներկայացուցիչը մասնակցել է 26 հանդիպման, տարել 23 հաղթանակ ու կրել 3 պարտություն։
Դավիթ Եղիազարյան
