15.09.2026 | 12:55
Միգուցե ՀԷՑ-ի տնօրենի աշխատավարձը էդքան չի, որ իշխանությունը փորձի «Վեոլիան» խլել․ Մխիթարյան․ ՏԵՍԱՆՅՈՒԹ
Լոռու Սարատովկա բնակավայրում կասեցվել է ձկնաբուծարանի ապօրինի ջրառը
15.09.2026 | 12:25
Բնապահպանության և ընդերքի տեսչական մարմինը Լոռու մարզի Սարատովկա բնակավայրում գործող ձկնաբուծարանում արձանագրել է ապօրինի ջրօգտագործում։ Ըստ ԲԸՏՄ-ի՝ տնտեսավարողը, չունենալով համապատասխան թույլտվություն, ձկնաբուծության համար ջուր է վերցրել հարակից գետակից։ Ապօրինի ջրառը կասեցվել է, իսկ խողովակաշարը՝ կապարակնքվել։
«Բնապահպանության և ընդերքի տեսչական մարմնի աշխատակիցները Լոռու մարզի Տաշիր համայնքի Սարատովկա բնակավայրում անհատ ձեռնարկատիրոջը պատկանող ձկնաբուծարանում արձանագրել են խախտումներ։
Տնտեսավարողը, չունենալով ջրօգտագործման համապատասխան թույլտվություն, ձկնաբուծության համար անհրաժեշտ ջուրը խողովակաշարով վերցրել է հարակից տարածքով հոսող գետակից՝ իրականացնելով ապօրինի ջրառ մակերևութային ջրային ռեսուրսից։
Տեսչական մարմնի Լոռու տարածքային բաժնի պետի որոշմամբ ապօրինի ջրօգտագործումը կասեցվել է, խողովակաշարը՝ կապարակնքվել»,- ասված է ԲԸՏՄ-ի տարածած հաղորդագրությունում։
