20.10.2026 | 16:54
2026 թվականի 9 ամսում ոստիկանությունը սպանության նախապատրաստության 8 դեպք է բացահայտել
Նեպալում, աղետալի ջրհեղեղից ինը օր անց, փրկարարները թունելից երկու աշխատողի են փրկել․ ՏԵՍԱՆՅՈՒԹ
Հասարակություն
04.09.2026 | 17:43
Նեպալում փրկարարները ուրբաթ օրը երկու աշխատողի ողջ դուրս են բերել հիդրոէլեկտրակայանի թունելից՝ Չինաստանի հետ սահմանին տեղի ունեցած աղետալի ջրհեղեղից ինը օր անց, գրում է DW-ն։ Արտակարգ իրավիճակների խմբերը շարունակում են ջանքեր գործադրել նմանատիպ թունելներում մնացած հարյուրավոր այլ մարդկանց հասնելու համար։
Էներգետիկայի նախարար Բիրաջ Բհակտա Շրեշտայի գրասենյակի հայտարարության համաձայն՝ տղամարդիկ՝ մեխանիկ-վարպետ Սանջայ Շահը և մեխանիկ-հսկիչ Քաբիր Մահարաջանը, փրկվել են Տրիշուլի գետի երկայնքով գտնվող Trishuli 3A ՀԷԿ-ի ջրածածկ թունելից։
«Քանի դեռ շունչ կա, հույս կա՛»,- հայտարարել է Շրեշտան։ «Փրկարարական աշխատանքները շարունակվում են բոլոր տուժած թունելներում։ Թող բոլորի ջանքերն ու աղոթքները շարունակվեն։ Մենք հույսը չենք կորցրել»,-հավելել է նա։
Օգոստոսի 26-ին տեղի ունեցած ջրհեղեղների պատճառը Տրիշուլի գետի վերին հոսանքում գտնվող սառցադաշտի փլուզումն էր, որի հետևանքով սառույցի, ժայռերի և ցեխի հսկայական զանգված է հոսել Նեպալ-Չինաստան սահմանին մոտ գտնվող քաղաքների և գյուղերի միջով։ Նեպալի աղետների կառավարման գործակալության տվյալներով՝ երկրում զոհերի թիվը հասել է առնվազն 1 259-ի, իսկ ավելի քան 5 000 մարդ դեռևս համարվում է անհետ կորած։ Չինաստանի տվյալներով՝ չորեքշաբթի ուշ երեկոյան սահմանային գոտու Տիբեթի հատվածում եղել է 21 զոհ և 541 անհետ կորած։
Թարգմանությունը՝ Էմմա Չոբանյանի
