20.10.2026 | 15:57
Կրեմլը Պուտինի և Թրամփի ներկայացուցիչների շուտափույթ հանդիպման հույս ունի
Ինչո՞ւ է Գագիկ Խաչատրյանը հրաժարվել ՄՌՏ հետազոտությունից․ ՏԵՍԱՆՅՈՒԹ
Հասարակություն
02.09.2026 | 17:24
Այս ամբողջ ընթացքում երևի մոտ 10-ից ավելի ՄՌՏ հետազոտություն է անցել հենց քննչական մարմնի ու դատարանի պահանջով։ Այս մասին լրագրողների հետ զրույցում նշեց փաստաբան Երեմ Սարգսյանը։
«Գագիկ Խաչատրյանը, կոնկրետ իր խնդիրներից ելնելով, պետք է նարկոզով (ընդհանուր անզգայացմամբ) անցներ ՄՌՏ հետազոտությունը, այսինքն՝ պետք է նարկոզը լինի, որից հետո վիճակի որոշակի վատացում է տեղի ունենում։ Պատկերացրե՛ք՝ հենց նոր նշանակել ենք փորձաքննությունը, ստացանք, տեսնում ենք՝ գրած է «վիրահատության կարիք ունի, Հայաստանում հնարավոր չէ»։ Ասում ենք՝ դե թույլ տվեք մեկնի։ Ասում են՝ չէ՛, մի հատ էլ նշանակենք, առկա վիճակը տեսնենք, որովհետև սա ոնց որ երկար է տևել այս փորձաքննությունը, մի հատ էլ հիմա իմանանք։ Հասկացաք չէ՞՝ չեն ուզում թողնել, ձգձգում են»,- նշեց փաստաբանը։
Սարգսյանի խոսքով՝ վերջին փորձաքննության ժամանակ շտապօգնության մեքենայով Խաչատրյանին տեղափոխել են «Հերացի» բժշկական կենտրոն, որպեսզի հետազոտություն անցնի, պարզվել է՝ բժիշկը տեղում չէ։
«Մի քանի օրից մի հատ էլ գնացինք, հետազոտությունն իրականացրեցին։ Ասացին՝ դե հիմա էլ եկեք տեղափոխեք բժշկական կենտրոն՝ համապատասխան ՄՌՏ հետազոտության։ Գնացի, հետազոտություն կատարող բժշկին հարց եմ տալիս, ասում եմ՝ դուք կարո՞ղ եք երաշխավորել, որ այս իրավիճակում եթե նրան ՄՌՏ հետազոտություն իրականացնեք, վիճակը չի վատթարանա, առողջական վիճակի բացասական դինամիկա չի լինի և ավելի մեծ ռիսկեր չի պարունակի։ Ասում է՝ ոչ։ Գրավոր քննիչն արձանագրել է, որ բժիշկն ասում է՝ «ես չեմ կարող երաշխավորել նման իրավիճակում, այո՛, կարող է վիճակի վատթարացում տեղի ունենալ»»,-պատմեց փաստաբանը։
Մանրամասները՝ տեսանյութում։
Եվգենյա Համբարձումյան
