«2001-ին ձեռք է բերել, բայց վաճառել է 2021-ին». փաստաբանը մանրամասներ հայտնեց Քոչարյանների գործից․ ՏԵՍԱՆՅՈՒԹ

Լուրեր

16.11.2026 | 09:30
Երևանի քաղաքապետարանի գործակարգավարական խորհրդակցությունը. ՈՒՂԻՂ
16.11.2026 | 09:30
Վահան Բիչախչյանը «Լեգիայի» կազմում գոլ է խփել երկրորդ խաղում անընդմեջ. ՏԵՍԱՆՅՈՒԹ
15.11.2026 | 22:05
Եղիշե Մելիքյանն ամփոփել է Ազգերի լիգայի վերջին խաղը. ՏԵՍԱՆՅՈՒԹ
15.11.2026 | 21:49
Փաշինյանը Կամբոջայում մասնակցել է Ֆրանկոֆոնիայի գագաթնաժողովի մասնակիցների պատվին տրված ընթրիքին
15.11.2026 | 20:27
Էստոնիան դեկտեմբերի 1-ից կփակի Ռուսաստանի հետ սահմանային բոլոր անցակետերը
15.11.2026 | 20:00
Թանկ շենքեր, էժանագին կառավարում․ ո՞ւր են գնում բնակիչների փողերը․ ՏԵՍԱՆՅՈւԹ
15.11.2026 | 19:53
Ազգերի լիգա. Հայաստանի հավաքականը ոչ-ոքիով ավարտեց պայքարը
15.11.2026 | 19:45
Nvidia-ի նախկին ղեկավար Ջենսեն Հուանգը սկանդալի հետևանքով կորցրել է 62 միլիարդ դոլար
15.11.2026 | 19:16
Փաշինյանը Կամբոջայում այցելել է Ֆրանկոֆոնիայի ավանում բացված Հայաստանի տաղավար
15.11.2026 | 18:56
Սևանում սիգի որսի արգելքի խախտման համար նախատեսված է վարչական և քրեական պատասխանատվություն
15.11.2026 | 17:56
Փաշինյանը Ֆրանկոֆոնիայի գագաթնաժողովում խոսել է հայ-ադրբեջանական խաղաղության գործընթացից
15.11.2026 | 17:19
Փաշինյանն ու Մոլդովայի վարչապետը քննարկել են Երևան-Քիշնև ուղիղ ավիաչվերթների կազմակերպման հարցը
15.11.2026 | 17:03
Էդգար Սևիկյանը լքել է Հայաստանի հավաքականի ճամբարը և հանդիպման է մասնակցում «Սուետայի» կազմում
15.11.2026 | 16:47
Ազգերի լիգա. Հայաստանի հավաքականի մեկնարկային կազմը Լատվիայի դեմ խաղում
15.11.2026 | 16:36
Դատավորների նկատմամբ քրեական հետապնդում է հարուցվել
Բոլորը

ՀՀ երկրորդ նախագահ Ռոբերտ Քոչարյանի պաշտպանական և կուսակցական թիմի ներկայացուցիչները հերթական մամուլի ասուլիսի ժամանակ մանրամասն անդրադարձան նրան առաջադրված նոր մեղադրանքներին՝ դրանք որակելով «իրավականից դուրս և բացառապես քաղաքական գործընթաց»։

Ըստ փաստաբան Արամ Օրբելյանի՝ իշխանությունները նախապես փորձում են հանրությանը մատուցել «շոկային ինֆորմացիա»՝ օգտագործելով Հանրային հեռուստաընկերությունը և Ազգային ժողովի ամբիոնը։

«Ամբողջ մեղադրանքը կառուցված է մի ենթադրության հիման վրա, որ նախագահ Քոչարյանը այս երկրում ամեն ինչից տեղյակ է, ինչ իրականացվում է՝ իրեն են հարցնում, և ինչ իրականացվել է՝ իր հանձնարարությամբ է իրականացվել»,- նշեց փաստաբանը։

Օրբելյանի պնդմամբ՝ մեղադրանքում առկա են լուրջ իրավական անճշտություններ, մասնավորապես վերադասության խնդիր. «Մեղադրանքում նախագահը նկարագրվում է որպես Երևանի քաղաքապետի և կառավարության անդամների վերադաս, ինչը հակասում է Սահմանադրությանը, որտեղ հստակ ամրագրված է մարմինների տարանջատման սկզբունքը։ Եվս մեկ անճշտություն՝ վավերացման գործընթաց. Ռոբերտ Քոչարյանին մեղադրում են կառավարության որոշումների վավերացման համար։ 1995թ. Սահմանադրությամբ նախագահը պարզապես պարտավոր էր վավերացնել վարչապետի ստորագրած ակտերը, և դա քննարկման ենթակա գործողություն չէր»։

Անդրադառնալով ԱԺ-ում հնչած այն պնդմանը, թե գույքը ձեռք է բերվել 40 մլն դրամով և վաճառվել 1 մլրդ-ով, պաշտպանը հիշեցրեց, որ գնման և վաճառքի միջև 20 տարվա տարբերություն կա՝ 2001թ. և 2021թ., ինչը ենթադրում է գնի բարձրացում։

««Սիլ Պլազա»-ի շենքը ձեռք է բերվել 5000 դոլարով: Այսօր, իմ շատ համեստ գնահատմամբ, 15-20 միլիոն դոլարից հաստատ ավել արժե: Հիմա, որ 5000 է այն ժամանակ եղել ձեռք է բերվել, հիմա վաճառվի 20 միլիոնով, դա չի դառնալու ավտոմատ փողերի լվացում»,- համեմատական անցկացրեց Օրբելյանը։

Անդրադառնալով փոխկապակցվածությանը, փաստաբանը նշեց, որ Սեդրակ Քոչարյանի բիզնես գործունեությունը և նրա գործընկերների այլ նախագծերը չպետք է ավտոմատ կերպով վերագրվեն երկրորդ նախագահին. «Ընկերության ներկայացուցիչները, որոնք ձեռք են բերել այդ գույքը և վաճառել, ունեն որոշակի բիզնես պրոեկտներ Սեդրակ Քոչարյանի հետ: Օրինակ՝ «Փլեյ Սիթիի» տարածքը. նրանք ունեն իրենց առանձին բիզնեսները, Սեդրակ Քոչարյանը ունի իր առանձին բիզնեսները: Մեկ փաստը, որ մի բիզնես պրոեկտում համատեղ գործունեություն են իրականացնում, դա դեռ չի նշանակում, որ ամբողջությամբ մնացած բիզնեսներով պետք է միասին լինեն: Իսկ ընկերությունը ո՞ր թվականին է գրանցված. 1996 թվականին, երբ որ նախագահ Քոչարյանը դեռևս նախագահ էր Արցախի Հանրապետության: Այսինքն՝ 1996 թվականին մարդիկ գրանցել են ընկերություն, էդ ընկերությունով իրականացրել են բիզնես գործունեություն, բիզնես գործունեության արդյունքում ինչ-որ գույք են ձեռք բերել, գույքն են վաճառել, նաև ունեն զուգահեռ բիզնես պրոեկտներ Սեդրակ Քոչարյանի հետ: Էդ ամբողջը վերագրվում է նախագահին մի հատ բառով՝ «փոխկապակցված»:

Մանրամասները՝ տեսանյութում։

Ռոզա Վարդանյան