27.09.2026 | 08:00
ՏԻՄ ընտրությունները մեկնարկեցին հանրապետության չորս համայնքներում
Կաթողիկոսի գործն ուղարկվեց Երևանի քրեական դատարան
Հասարակություն
28.08.2026 | 17:51
Ամենայն Հայոց կաթողիկոսի և 6 եպիսկոպոսների գործն ուղարկվեց Երևանի քրեական դատարան:
Դատական նիստի ընթացքում դատավոր Սերժ Ռուշանյանը բարձրացրեց այն հարցը, որ գործում առկա չէ տվյալ, թե կաթողիկոսին վերագրվող՝ Արման Սարոյանին կարգալույծ անելու արարքը որտեղ է կատարվել:
Չնայած պաշտպանական կողմի պնդումներին, որ հանրահայտ փաստ է, որ Մայր Աթոռի որոշումները Էջմիածնում են կայացվում՝ դատավորը խնդրահարույց համարեց գործի քննությունը շարունակելն ու գործն ուղարկվեց Երևանի դատարան:
Նշենք, որ կաթողիկոսի և եպիսկոպոսների գործով արդեն երկու դատական նիստ է նշանակվել:
Առաջին դատավորը՝ Գարիկ Մանուկյանն ինքնաբացարկ է հայտնել այն հիմքով , որ փաստաբան է եղել և արտոնագիրը ստացել է կաթողիկոսի շահերի պաշտանությունն իրականացնող փաստաբան Արա Զոհրաբյանից:
Դրանից հետո գործը մակագրվել էր դատավոր Սերժ Ռուշանյանին, որն էլ, փաստորեն, որոշեց այս փուլում բարձրացնել ընդդատության հարցը, որից հետո միայն պարզ կդառնա, թե որ դատարանը պետք է քննի գործը: Գործի ընդդատության հարցը ճիշտ որոշելը էական հանգամանք է: Եթե պարզվի, որ գործը Արմավիրի մարզի դատարանում քննության ենթակա չէր, դա դատավճիռը բեկանելու հիմք է։
Արաքս Մամուլյան
