27.09.2026 | 10:55
Լոռու, Արմավիրի և Կոտայքի 4 համայնքներում ՏԻՄ ընտրություններ են․ ժամը 08։00-ին բացվել են բոլոր 14 տեղամասերը․ ԿԸՀ
Դատարանը բավարարել է Ռոբերտ Քոչարյանին կալանավորելու միջնորդությունը
Հասարակություն
27.08.2026 | 08:26
Հայաստանի Հանրապետության երկրորդ նախագահ Ռոբերտ Քոչարյանին կալանավորելու միջնորդությունը բավարարվել է: Այս մասին տեղեկացնում է Հակակոռուպցիոն կոմիտեի մամուլի խոսնակ Մարինա Օհանջանյանը:
«Հաշվի առնելով հանրային հետաքրքրությունը՝ տեղեկացվում է, որ Հակակոռուպցիոն դատարանը (նախագահությամբ դատավոր Ս. Դադոյանի) ամբողջությամբ բավարարել է քննիչի միջնորդությունը և Ռ.Ք.-ի նկատմամբ որպես խափանման միջոց է կիրառվել կալանքը»,- հայտնում է Օհանջանյանը:
Հիշեցնենք՝ օգոստոսի 25-ին իրավապահները խուզարկություններ էին իրականացրել Քոչարյաններին պատկանող մի շարք հասցեներում և ձերբակալել Ռոբերտ Քոչարյանին, նրա որդուն՝ Սեդրակ Քոչարյանին ու այլ անձանց։ Սեդրակ Քոչարյանը կալանավորվել էր, իսկ Ռոբերտ Քոչարյանի ինքնազգացողությունը վատացել էր, ու նա տեղափոխվել էր բժշկական կենտրոն հետազոտության։ Նախօրեին Ռոբերտ Քոչարյանին տեղափոխել էին Հակակոռուպցիոն դատարան ու կալանավորելու միջնորդություն ներկայացրել։ Այսօր դատարանը միջնորդությունը բավարարել է։
