08.10.2026 | 12:02
ՌԴ-ն զանգվածային հարված է հասցրել Ուկրաինային․ տասնյակ զոհեր կան
Խաբի Ալոնսոն նշել է՝ որն է իր համար ֆուտբոլի գեղեցկությունը
21.08.2026 | 15:42
Լոնդոնի «Չելսիի» նորանշանակ գլխավոր մարզիչ Խաբի Ալոնսոն խոսել է ֆուտբոլի գեղեցկության մասին:
«Խաղացողների ազատությունը խաղադաշտում. դա է ինձ համար ֆուտբոլի գեղեցկությունը։ Կարելի է մարզել շատ որակներ, բայց կան նաև բաներ, որոնք հնարավոր չէ մարզել։ Դրանք ի հայտ են գալիս բնական ճանապարհով՝ խաղացողների տաղանդի շնորհիվ։
Մենք՝ մարզիչներս, հաճախ փորձում ենք վերահսկել բացարձակապես ամեն ինչ։ Բայց երբեմն խաղի ընթացքում գալիս է մի պահ, երբ դու այլևս ոչինչ չես վերահսկում։ Այդ ժամանակ դու պարզապես մտածում ես. «Լավ, տեսնենք՝ ինչ կլինի»»,- իսպանացի մասնագետի խոսքը մեջբերում է Men in Blazers-ը:
Հիշեցնենք, որ Իսպանիայի հավաքականի, «Ռեալի», «Բավարիայի» ու «Լիվերպուլի» նախկին ֆուտբոլիստն այս ամռանն է գլխավորել «Չելսին»: Ալոնսոյի նախորդ աշխատավայրը Մադրիդի «Ռեալն» էր, որը նա գլխավորել է 2025 թ. հունիսից մինչև այս տարվա հունվար։ Դրանից առաջ իսպանացին 3 տարի եղել է Լևերկուզենի «Բայերի» գլխավոր մարզիչը։
Դավիթ Եղիազարյան
