14.08.2026 | 19:40
Վանաձոր համայնքի տիրապետմանն է վերադարձվել Հրանտ Մաթևոսյանի անվան այգու տարածքում գտնվող ևս 1 հողատարածք
Թվայնացումը՝ ՊԵԿ բարեփոխումների կարևոր բաղադրիչ․ խորհրդի նիստում քննարկվել են նոր նախաձեռնություններ
Հասարակություն
14.08.2026 | 17:01
ՊԵԿ նախագահ Էդուարդ Հակոբյանի գլխավորությամբ տեղի է ունեցել թվայնացման խորհրդի նիստ, որի ընթացքում քննարկվել են Կոմիտեում իրականացվող թվայնացման աշխատանքներն ու առաջիկա ծրագրերը։
Հակոբյանը նշել է, որ առաջիկայում թվայնացումը դառնալու է ՊԵԿ-ի բարեփոխումների կարևոր բաղադրիչ։ Նրա խոսքով՝ հաջորդ տարվանից նախատեսվում է անցնել մի շարք առանցքային նախաձեռնությունների և փոփոխությունների իրականացման։
Նիստում քննարկվել են «Հեռավար մաքսային մարմին» համակարգի ստեղծման, մաքսային սպասարկման միասնական էլեկտրոնային համակարգի և «Մաքսային սպասարկում» նոր համակարգի ներդրման աշխատանքները։
Հարկային ոլորտում անդրադարձ է կատարվել արհեստական բանականության գործիքների ներդրմանը, առցանց էլեկտրոնային ՀԴՄ-ի, հարկային պարտավորությունների մարման վերաբերյալ հաշվետվությունների և դրոշմանիշային վճարների հաշվառման նոր համակարգերին։
ՊԵԿ-ից հայտնել են, որ ֆիզիկական անձանց եկամուտների հայտարարագրման համակարգի կատարելագործման աշխատանքները գտնվում են ավարտական փուլում։
