04.09.2026 | 23:57
Էդուարդ Սպերցյանի գոլն օգնեց «Ալ Ահլիին» վստահ հաղթանակ տանել. ՏԵՍԱՆՅՈՒԹ
Բանկից 802 մլն դրամի հափշտակություն և փողերի լվացում կատարած անձը կալանավորվել է, նախաքննությունը՝ ավարտվել
Հասարակություն
14.08.2026 | 16:20
ՀՀ քննչական կոմիտեն հայտնել է, որ բանկային հավելվածի տեխնիկական խոտանից օգտվելու միջոցով առանձնապես խոշոր չափերի հափշտակության և փողերի լվացման դեպք է բացահայտվել։ Այս մասին տեղեկացնում են ՔԿ-ից:
Ըստ նախաքննության՝ Ս.Ղ.-ն 2024 թվականի դեկտեմբերի 30-ից մինչև 2025 թվականի հունվարի 5-ը, իր հաշվին ունենալով ընդամենը 92 հազար դրամ, հավելվածի միջոցով 2709 անգամ փոխանցման տարբեր գումարներ է մուտքագրել։ Տեխնիկական խոտանի հետևանքով նրա հաշվին գեներացվել է 802 մլն 568 հազար դրամ։
Քննության տվյալներով՝ Ս.Ղ.-ն հափշտակված գումարից 711 մլն 511 հազար դրամը փոխանցել է կրիպտոակտիվների առուվաճառքով զբաղվող տնտեսվարողների հաշիվներին՝ գումարը փոխակերպելով կրիպտոակտիվների, իսկ մնացած մասը փոխանցել է ավելի քան 100 անձանց քարտային հաշիվներին։
Նրա նկատմամբ հարուցվել է հանրային քրեական հետապնդում՝ առանձնապես խոշոր չափերով համակարգչային հափշտակության և փողերի լվացման համար։ Ս.Ղ.-ն կալանավորվել է։
Նախաքննության ընթացքում բանկին պատճառված վնասից վերականգնվել է 44 մլն 701 հազար դրամ։ Քրեական վարույթը մեղադրական եզրակացությամբ ուղարկվել է հսկող դատախազին։
