13.08.2026 | 15:22
Կիևին անհրաժեշտ է Patriot հրթիռների՝ ԱՄՆ պաշարներից 5%-ը․ Զելենսկի
«Մանչեսթեր Սիթին» «Բարսելոնային» հայտնել է Ռոդրիի տրանսֆերային գինը
13.08.2026 | 13:37
Անգլիական «Մանչեսթեր Սիթին» ու կատալոնական «Բարսելոնան» առայժմ չեն կարողանում համաձայնության գալ իսպանացի կիսապաշտպան Ռոդրիի տեղափոխության շուրջ:
The Times-ի համաձայն՝ աշխարհի նորընծա չեմպիոն Իսպանիայի հավաքականի 30-ամյա ֆուտբոլիստին ձեռք բերելու համար «Բարսելոնան» առաջարկել է 60 միլիոն եվրո՝ գումարած 6 միլիոն բոնուսներ, սակայն մերժում է ստացել: «Մանչեսթեր Սիթին» հայտնել է, որ պատրաստ է Ռոդրիից բաժանվել 82 միլիոն եվրոյի դիմաց: Այժմ կատալոնական ակումբում քննարկում են՝ արդյոք պատրաստ են նոր առաջարկ անել մանչեսթերցիներին:
Ռոդրին 2019 թվականին Մադրիդի «Աթլետիկոյից» է տեղափոխվել «Մանչեսթեր Սիթի», որի հետ պայմանագիր ունի մինչև 2027 թվականի հունիսի 30-ը։ Անգլիական ակումբի կազմում կիսապաշտպանն անցկացրել է 298 հանդիպում, դարձել 28 գոլի ու 32 գոլային փոխանցման հեղինակ։ ԱՄՆ-ում, Կանադայում և Մեքսիկայում կայացած աշխարհի առաջնության եզրափակիչից հետո նա ստացել էր մրցաշարի լավագույն ֆուտբոլիստի մրցանակը: Transfermarkt-ը 55 միլիոն եվրո է գնահատում նրա տրանսֆերային արժեքը:
