05.09.2026 | 11:30
«Այսօր ձեր հարսանիքը չի՞». Ալեն Սիմոնյանը ևս ներկա է Արմեն Գրիգորյանի գրքի շնորհանդեսին
Եղեգնաձորում տան կորցրած բանալին գտած աղջիկը երեք անգամ գումար է գողացել․ ՆԳՆ
Հասարակություն
12.08.2026 | 18:49
Օգոստոսի 7-ի գիշերը ոստիկանություն բնակարանային գողության վերաբերյալ հաղորդում է ստացվել։ Եղեգնաձորի բնակչուհին հայտնել է, որ նախորդ օրը իրենց տան դուռն ու պատուհանը փակ լինելու պայմաններում տուն են մտել և գողացել 35 հազար դրամ։
ՆԳՆ ոստիկանության փոխանցմամբ՝ դեպքի վայր մեկնած Քրեական ոստիկանության Վայոց ձորի մարզի օպերատիվ խումբը պարզել է, որ տուն մուտք գործելու համար օգտագործվել է հենց դռան կողպեքի բանալին։
ՆԳՆ-ի փոխանցմամբ՝ ձեռնարկված միջոցառումների արդյունքում պարզվել է, որ գողությունը կատարել է տանտիրուհու դստեր ընկերուհին, որը նախորդ ամսվա վերջին գտել էր տան կորցրած բանալին։
Ըստ ոստիկանության՝ աղջիկը երկու անգամ բանալիով բացել է տան դուռը և գողացել 5-հազարական դրամ։ Օգոստոսի 6-ին նա կրկին մտել է տուն և վերցրել 25 հազար դրամ, ինչից հետո տանտիրուհին նկատել է գումարի կորուստն ու դիմել ոստիկանություն։
Օգոստոսի 8-ին աղջիկը հրավիրվել է ոստիկանություն և ընդունել արարքը։ Հանգամանքները պարզվում են։
