27.09.2026 | 12:36
ՏԻՄ ընտրությունների շրջանակում շրջիկ սպասարկման գրասենյակները ծառայություններ են մատուցում Լոռու և Կոտայքի մարզերում
1,2 մլրդ դրամի թմրամիջոցների մաքսանենգության գործով 3 անձ կալանավորվել է. ՔԿ
Հասարակություն
12.08.2026 | 18:01
ՀՀ քննչական կոմիտեն հայտնում է, որ թմրամիջոցների մաքսանենգության վերաբերյալ քրեական վարույթի շրջանակում ձեռք են բերվել տվյալներ ՀՀ-ում բնակվող օտարերկրյա քաղաքացիների կողմից առանձնապես խոշոր չափերով թմրամիջոցների ապօրինի շրջանառությանը և մաքսանենգությանը մասնակցելու վերաբերյալ։
Քննության ընթացքում առգրավվել է ընդհանուր 25,5 կգ «Ափիոն» և 3 կգ «Մարիխուանա» տեսակի թմրամիջոց։ ՔԿ-ի տվյալներով՝ դրանց շուկայական արժեքը կազմում է շուրջ 1 մլրդ 193 մլն 445 հազար դրամ։
Ըստ ՔԿ-ի՝ անձանցից մեկը փորձել է «Ափիոն» տեսակի թմրամիջոց պարունակող էլեկտրական ռելեներ ուղարկել Գերմանիա և Մեծ Բրիտանիա, սակայն ձերբակալվել է ՊԵԿ աշխատակիցների կողմից։ Այնուհետև նրա բնակության վայրում հայտնաբերվել են թմրամիջոցների այլ փաթեթներ և չհրկիզվող պահարան։
Գործով երեք օտարերկրյա քաղաքացու նկատմամբ հարուցվել է հանրային քրեական հետապնդում, և նրանց նկատմամբ որպես խափանման միջոց կիրառվել է կալանքը։
Նախաքննությունը շարունակվում է։ ՔԿ-ն հայտնում է, որ իրականացվում են գործողություններ՝ թմրամիջոցների ձեռքբերմանը մասնակցած այլ անձանց ինքնությունը պարզելու ուղղությամբ։
