02.09.2026 | 23:08
31 տեսախցիկ, 48 նոր ավտոմեքենա և ուսումնաարտադրական կենտրոններ․ Սրբուհի Գալյանը ներկայացրել է բարեփոխումները
Բերման են ենթարկվել մի խումբ անձինք՝ իրենց մեքենաներով հանդերձ. նրանց մոտ հայտնաբերվել են զենքեր
Հասարակություն
10.08.2026 | 13:22
Երկու օր առաջ ոստիկանության Կենտրոնական բաժին բերման ենթարկված քաղաքացիների մոտից զենքեր են հայտնաբերվել։ Այս մասին Ներքին գործերի նախարարությունից հայտնեցին Factor TV-ին. «Օգոստոսի 8-ին, ՆԳՆ ոստիկանության քրեական և համայնքային ոստիկանության ծառայողների համատեղ ձեռնարկված միջոցառումների արդյունքում համայնքային ոստիկանության Կենտրոնական բաժին են բերման ենթարկվել մի խումբ անձինք՝ իրենց վարած մեքենաներով հանդերձ։ Հայտնաբերվել են հրազեն, սառը զենքեր, կռփազենք։ Կազմված փաստաթղթերը փոխանցվել են նախաքննական մարմին»։ Ավելի վաղ Shamshyan.com-ը գրել էր, որ ՆԳՆ ոստիկանության քրեական ոստիկանության գլխավոր վարչության և ՀՀ ՆԳՆ ոստիկանության համայնքային ոստիկանության գլխավոր վարչության Կենտրոնական բաժնի ծառայողները Երևանում ստացված օպերատիվ տեղեկություններն իրացնելով Նար-Դոսի փողոցում իրականացրել են հատուկ օպերացիա. «Ոստիկանները ապօրինի զենք, զինամթերք պահելու, կրելու կասկածանքով Կենտրոնի ոստիկանություն են տեղափոխել 15-ից ավելի քաղաքացիների, որոնք իրենց ընկերական շրջապատում հայտնի մականունավորներ են»,- գրել էր լրատվականը։
Ռոզա Վարդանյան
