Հասարակություն
10.08.2026 | 12:04
ՀՀ իրավապահ մարմինների միջոցառումների արդյունքում Ռուսաստանում հայտնաբերվել և 2026 թվականի հունիսի 18-ին Հայաստան է արտահանձնվել շուրջ 11 տարի հետախուզման մեջ գտնվող Վ․Մ․-ն, որը մեղադրվում է առանձնապես խոշոր չափերով՝ 10.98 մլն եվրո հափշտակելու և փողերի լվացման մեջ։
ՔԿ-ի փոխանցմամբ՝ 2012-2013 թվականներին մի խումբ անձինք կեղծ փաստաթղթերի միջոցով բանկից հափշտակել են 10 մլն 980 հազար եվրո, որի մի մասը կանխիկացվել, իսկ մյուս մասը փոխանցվել է հանցավոր սխեմայում ներգրավված անձանց հաշիվներին։
Վ․Մ․-ն 2015 թվականին ներգրավվել էր որպես մեղադրյալ և նրա նկատմամբ հայտարարվել էր հետախուզում։ Հայաստան արտահանձնելուց հետո նրա նկատմամբ կիրառվել է տնային կալանք։
Վ․Մ․-ի վերաբերյալ քրեական վարույթի մեղադրական եզրակացությունն ուղարկվել է հսկող դատախազին։ Նույն գործով ներգրավված ևս երկու անձինք նախկինում դատապարտվել են ազատազրկման։
